Грециянинг хавфсизлик кучлари Европа чегарасини кесиб ўтмоқчи бўлган икки ноқонуний афғон муҳожирини пластик ўқ билан яралади.
Хавфсизлик манбаларидан олинган маълумотларга кўра, Греция полицияси Европага ўтмоқчи бўлган ноқонуний муҳожирларни тўхтатиш учун пластик ўқлардан фойдаланган.
Греция орқали Европага ўтмоқчи бўлган икки афғон муҳожири Греция полицияси томонидан отилган пластик ўқдан яраланган. Турли тан жароҳатлари олган мигрантларга тиббий ёрдам кўрсатилди.
Греция аввал ҳам Эгей денгизида муҳожирларга нисбатан зўравонлик қўллаган. Айниқса, қиш фаслида Грециядаги ғайриинсоний муносабат туфайли кўплаб муҳожирлар совуқдан ҳалок бўлган.