Бошқа мавзуларРим папаси Франциск Россия бошлаган урушда озиқ-овқат қуролга айланмаслиги кераклиги ҳақида огоҳлантирди.
Понтифик Ватикандаги ибодат чоғида Украинадан буғдой экспортини тўсиб қўйишдан хавотирда эканлигини айтиб, айниқса қашшоқ мамлакатларда буғдойга миллионлаб одамлар қарам эканини таъкидлади.
Франциск бу муаммони ҳал қилиш, одамларнинг озиқ-овқатга бўлган ҳуқуқларини кафолатлаш учун барча имкониятларни ишга солишга чақирди.
24-февралда Украинага бостириб кирганидан бери Россия буғдой ортилган кемаларнинг денгизга киришига тўсқинлик қилиб, мамлакат портларини тўсиб қўйган. Киев Москвани буғдойни ўғирлаб, ўз ҳудудига ташишда айблаб келмоқда.
1-июнда Кремл озиқ-овқат инқирози юзага келса, жавобгарлик Ғарбнинг Россияга қарши киритган санкцияларга ва Киевнинг ҳаракатларига юкланишини маълум қилди.
