Бошқа мавзуларҚирғизистон Республикаси Боткен вилоятининг Ҳайдаркон шаҳридаги болалар боғчасида Каъбанинг макети атрофида айланиб юрган болалар ҳолатини текширилмоқда. Бу ҳақда Боткен вилояти милицияси хабар берди.
Воқеа 6-май куни Ҳайдаркон шаҳридаги “Сумая” болалар боғчасида содир бўлган.
“Рамазон ҳайити кунларида болаларга ҳаж зиёрати ҳақида маълумот бериш мақсадида очиқ соат ташкил этилиб, тарбиячи Каъбанинг макети атрофида айланган болаларни видеога олиб, ота-оналарга ҳисобот сифатида юборган”, — дейилади хабарда.
Милиция «Сумая» рус тилидаги ва диний идораларга алоқаси йўқ бола боғча эканлигини билдирди.
Эслатиб ўтамиз, аввалроқ ижтимоий тармоқларда боғча тарбияланувчиларининг Каъба макети атрофида айланиб ўтаётгани акс этган видео эълон қилинган эди. Ушбу воқеа Қирғизистоннинг Ҳайдаркон шахрида содир бўлган.
Ҳисоб-китобларга кўра, Қирғизистонда 2021-йилда боғча ёшидаги 400 мингга яқин болалар бор. Мамлакатда 600 га яқин болалар боғчаси етишмайди. Етти ёшгача бўлган болаларнинг 70 фоизи боғчага бора олишмайди.
