Вашингтон билан Москва элчихоналарини ёпмаслиги керак

АҚШнинг Россиядаги элчиси Жон Салливан Вашингтон билан Москва ўртасидаги муносабатлар “яқин келажакда” яхшиланишига шубҳа қилишини билдирди.

Икки давлат ўртасидаги муносабатлар Россиянинг Украинага бостириб киришидан кейин энг паст даражага етди.

Россия етакчиси Владимир Путин Украинага қилинган ҳужумни мамлакат тарихидаги бурилиш нуқтаси деб атади. Унинг айтишича, Москва 1991 йилдан бери Россияни қийнаб келаётган АҚШ ҳукмронлигига қарши чиқа олди.

“Мен АҚШ билан Россия ўртасида ҳеч қачон самарали муносабатлар бўлмайди деб ўйлашдан олисман, чунки бу қанча давом этишини айта олмайман. Ҳозирги муҳитда бундай бўлмайди”, – деди Салливан 6-июнь куни ТАСС мухбирига.

У шунингдек АҚШ президенти Жо Байден Вашингтоннинг позициясини тўғри аниқлагнини, шу муносабат билан, Россия билан нормал алоқалар бўлиши мумкин эмаслигини қўшимча қилди.

Салливаннинг айтишича, муносабатлардаги инқирозга қарамай, Россия АҚШнинг Москвадаги элчихонасини ёпмаслиги керак. Чунки мулоқотни давом эттириш учун дипломатик каналлар очиқ қолиши шарт.

Унинг қўшимча қилишича, икки ядровий давлат ўз элчихоналарини ёпиши “катта хато” бўлади.

Россия 24-февраль куни Украинага уруш эълон қилган.

Бўлишинг:

Муҳаррир танлови

Венесуэла президенти мадуро эронда

 Эрон ва Венесуэла ўртасида 20 йиллик кенг қамровли ҳамкорлик шартномаси имзоланди. Пойтахт Теҳронга ташриф буюрган Венесуэла президенти Николас Мадуро Садобод саройида ...

Ақшда ўқитувчиларга қурол олиб юришга рухсат берилди

АҚШнинг Огайо штатида ўқитувчиларга 24 соатлик қисқа муддатли машғулотдан сўнг мактабларда қурол олиб юришга рухсат берувчи қонун кучга кирди. Огайо штатининг қонун чиқарувчи ...

Колумбия украина аскарларини тайёргарликдан ўтказади

Колумбия Украина аскарларини миналарни тозалашга ўргатади Колумбия Мудофаа вазири Диего Молано Твиттер саҳифасида 11 нафар ҳарбий муҳандис Украина аскарларини миналарни ...