Россия суди Украинада ҳалок бўлган россиялик ҳарбийлар рўйхатини давлат сири деб эълон қилди. Светлогорск шаҳрининг судининг қарори билан Псковнинг 60.RU газетаси сайтида чоп этилган рўйхатни махфий деб эълон қилганидан сўнг Новосибирскдаги NGS.RU, Красноярскдаги NGS24.RU ва Омск шаҳридаги NGS55.RU порталлари ўлган рус аскарлари рўйхатини сайтидан олиб ташлади.
Маълумки, нашрлар рўйхатни расмий манбалар асосида тузган.
Россия Болтиқ флоти ҳарбий прокуратураси 60.RU сайтига қарши даъво аризаси билан чиққан.
Россия Украинага бостириб кирганидан бери уруш тўхтагани йўқ. Украина камида 31 минг рус аскари ҳалок бўлганини айтмоқда. Россия 25-март куни 1351 аскарини йўқотгани ҳақида расман эълон қилганидан бери ўз рақамларини янгиламаган.