Донбассдаги сепаратистлар рус генерали Кутузовнинг ўлимини тасдиқлашди

Украинанинг Донецк вилоятидаги Москва томонидан қўллаб-қувватланган сепаратистлар етакчиси Денис Пушилин Россиянинг яна бир юқори мартабали ҳарбий қўмондони, генерал-майор Роман Кутузов ўлдирилганини тасдиқлади. 7-июнь куни Пушилин Кутузовнинг фотосурати ва унга видолашув хатини телеграм каналига жойлаштирди. Бироқ россиялик генерал қандай шароитда вафот этгани айтилмаган.

Икки кун аввал бир қатор кремлпараст журналистлар генерал Кутузов Украина шарқидаги Луганск вилоятининг Попасная туманидаги Николаевка қишлоғи яқинида вафот этгани ҳақида хабар берган эди. Бу маълумотни Украина расмийлари ёки Россия томонидан расман тасдиқланмаган ёки рад этилмаган.

Россия давлат телерадиокорпорацияси журналисти Александр Сладков Кутузов Россия қўшинлари Украинага бостириб кирганидан кейин можарода ҳалок бўлган тўртинчи россиялик генерал бўлганини айтди.

Бироқ бир қатор мустақил нашрлар Украинада ҳалок бўлган россиялик ҳарбийлар сони бундан ҳам кўплигини маълум қилиб келишмоқда. Яқинда New York Times газетаси Украинада жами 12 нафар россиялик генерал ўлдирилгани ҳақида ёзди.

Россиянинг Мудофаа вазирлиги март ойида бор-йўғи икки марта қурбонлар ҳақида маълум қилиб, 1351 нафар ҳарбий хизматчи ҳалок бўлганини тасдиқлаган эди. Мустақил кузатувчилар ва Украина расмийлари Россия армиясининг йўқотишлари бир неча баробар кўплигини айтишмоқда. Россия суди шу ҳафта Украинада ўлдирилган рус аскарлари рўйхатини давлат сири деб эълон қилди.

Бўлишинг:

Муҳаррир танлови

Украина литвадан кўпроқ ҳарбий техника сотиб олади

Литва Мудофаа вазири Арвидас Анусаускас Россия ҳужумига учраган Украинага қўшимча ҳарбий машина жўнатишини маълум қилди. Анусаускас ижтимоий тармоқдаги баёнотида «Украинага ...

Россия — хитой  чегарасида «олтин кроссовка»ли сайёҳ қўлга олинди

Чита (Россия) божхона ходимлари Хитойга 1,8 килограм олтинни яширинча олиб ўтишга уринган россиялик аёлни фош қилди, деб ёзади «Хабар.уз». Шунча олтини борлигини аёлнинг ўзи ...

Николаевда рус ҳарбийларининг ҳужуми оқибатида камида уч киши ҳалок бўлди

29-июнь куни Украина жанубидаги Николаев шаҳрида Россия кучларининг ҳаво ҳужуми оқибатида камида уч киши ҳалок бўлди. Шаҳар мэри Александр Сенкевичнинг сўзларига кўра, ...