Испания озиқ-овқат исрофгарчилигининг олдини олмаётганларга жарима солади

Испанияда озиқ-овқат исрофгарчилигининг олдини олмаганлар 500 минг еврогача жаримага тортилади.

Испаниянинг сўл қанот коалицион ҳукумати жазони тайинловчи қонун лойиҳасини қабул қилди.

Ушбу қарордан сўнг Қишлоқ хўжалиги, озиқ-овқат ва балиқчилик вазири Луис Планас баёнот қилиб: «Биз қонунлар орқали хабардорликни оширишни мақсад қилганмиз. Озиқ-овқат маҳсулотларидан аҳоли истеъмоли учун устувор фойдаланишни тартибга солиш ва уларни озиқ-овқат банкларига жалб этишни тартибга солиш, озиқ-овқат йўқотилиши ва исрофгарчиликнинг олдини олиш бўйича аҳоли огоҳлигини ошириш зарур», — деди.

Планасга кўра, озиқ-овқат тармоғидаги компаниялар йўқотишларни камайтириш ва озиқ-овқат маҳсулотларини инсон истеъмолига устуворлик берадиган тарзда тарқатиш режасига эга бўлиши керак.

Қишлоқ хўжалиги вазирлиги маълумотларига кўра, Испанияда 2020-йилда аҳоли жон бошига ўртача 31 килограмм/литрдан жами 1 миллиард 364 миллион килограмм/литр озиқ-овқат ташлаб юборилган.

Бунга риоя қилмаганларга 2000 дан 500 000 еврогача жарима солишни назарда тутувчи қонун лойиҳаси парламент томонидан қабул қилиниши ва 2023-йилнинг 1-январидан кучга кириши кутилмоқда.

Испания Европа Иттифоқида Франция ва Италиядан кейин озиқ-овқат исрофгарчилигининг олдини олишга қаратилган қонунларни қабул қилган учинчи давлатдир.

Бўлишинг:

Муҳаррир танлови

Астраханда 25 нафар ўзбек қулликдан озод бўлди

Ўзбекистоннинг Ростов-на-Донудаги бош консулхонаси вакиллари Астрахан вилоятида 25 нафар Ўзбекистон фуқаросига паспортларини қайтариб олиш, ойликлари олиш ва Ватанга ...

Ўзбекистон россиядан «тигр» зирҳли автомобилларини сотиб олди

Ўзбекистон Қуролли кучлари Россиядан кўп мақсадли «Тигр» зирҳли автомобилларини сотиб олди. Бу ҳақда «Хабар.уз» ёзмоқда. Хабарда айтилишича, Ўзбекистон «бир неча ўн» ...

Бмт: украина аҳолисининг 90 фоизи қашшоқ бўлади

Агар Украинадаги қуролли можаро узоқ давом этса, аҳолининг 90 фоизи, яъни ҳар ўн кишидан тўққиз нафари камбағал бўлади. Бирлашган Миллатлар Ташкилотининг Тараққиёт дастури ...