Нигериянинг Ондо штатининг Ово шаҳридаги католик черковига уюштирилган ҳужумда камида 40 киши ҳалок бўлди.
Ондо штати губернатори Ротими Акередолу ҳужум оқибатида ҳалок бўлганлар сони 22 дан 40 нафарга етганини айтди.
Акердолу ярадорларнинг 26 нафарини соғайиб чиққанини таъкидлади.
Ички ишлар вазири Рауф Арегбесола Президентлик саройида ўтказилган Миллий хавфсизлик кенгаши йиғилишидан сўнг, ҳужум учун жавобгарликни Боко Ҳарам террор ташкилоти билан алоқаси бўлган ISWAPни жавобгар эканини айтди.
Президент Муҳаммад Бухорийнинг жиноятчиларни қўлга олиш учун полиция бошчилигидаги мамлакатдаги барча хавфсизлик бўлинмаларига буйруқ берганлигини қайд этган Арегбесола ҳужум қилганларнинг тез орада жавобгарликка тортилишини айтди.
Нигериянинг Ондо штатида 5-июнь куни Ово минтақасидаги католик черковида ибодат қилган фуқароларга қуролли одамларнинг ҳужум қилиши оқибатида қурбон бўлганлар учун етти кунлик “миллий мотам” эълон қилинди.