Бошқа мавзуларҚирғизистон-Ўзбекистон чегарасидаги “Дўстлик” назорат-ўтказиш пунктининг уч нафар ҳарбий хизматчиси коррупцияда гумонланиб қўлга олинди. Бу ҳақда Қирғизистон Миллий хавфсизлик давлат қўмитаси (МХДҚ) матбуот хизмати хабар берди.
Муасасанинг хабарига кўра, ҳудди мана шу далиллар асосида Соғлиқни сақлаш вазирлигининг бир ходими
“Дўстлик” санитар карантин пунктининг собиқ раҳбари, коррупцияга алоқадор бўлган яна икки шахс қўлга олинди.
Улар “Дўстлик” назорат-ўтказиш пункти орқали ўтаётган одамлардан мунтазам равишда пул ундиришда айбланмоқда. Гумонланувчилар Ўш шаҳар суди қарори билан 24-июнга қадар қамоққа олинди. Уларнинг адвокатлари ва яқинлари ҳозирча бу борада ҳеч қандай изоҳ бермади.
Ўш шаҳрининг яқинидаги “Дўстлик” Қирғизистон ва Ўзбекистонни боғлайдиган энг йирик назорат-ўтказиш пунктларидан биридир. Ҳар куни у ердан юзлаб одамлар ўтади.
2021-йилда Ўзбекистон фуқаролари Қирғизистон билан чегарада ноқонуний текширувлар ва товламачиликка дучор бўлаётганини айтиб, президент Садир Жапаровга мурожаат йўллаган эди.
Кейинроқ Қирғизистон Миллий хавфсизлик давлат қўмитаси бир қатор юқори мартабали чегарачилар коррупцияда гумонланиб ҳибсга олинганини маълум қилган.
Ҳибсга олинганлар орасида Чегара хизмати раҳбарининг биринчи ўринбосари, Ўш вилояти бўйича бошлиғи, “Дўстлик” назорат-ўтказиш пункти бошлиғи бўлган.
