Бошқа мавзуларҚирғизистон ҳукумати 110 минг тонна буғдой, 25 минг тонна шакар сотиб олди. Бу ҳақда бугун Бишкекда савдогарларнинг назорат-касса машиналарига қарши митингида Вазирлар Маҳкамаси раиси Ақилбек Жапаров маълум қилди. Унинг айтишича, мамлакатда озиқ-овқат хавфсизлигини таъминлаш учун барча саъй-ҳаракатлар қилинмоқда.
«Бизда бу борада муаммо йўқ. Ҳукумат барча имкониятларни ишга солмоқда», – деди Жапаров.
Украинадаги уруш билан боғли озиқ-овқат хавфсизлиги борасида муаммолар яралмоқда. Жорий йилнинг май ойида Қирғизистонда шакар тақчиллиги кузатилиб, нархлар кўтарилган. Ўшанда Вазирлар Маҳкамаси олти ой муддатга шакар ва шакар қамишини экспорт қилишни тақиқлаган эди.
Қирғизистон буғдой, шакар каби озиқ-овқат маҳсулотларини импорт қилади. Хусусан, Қирғизистон буғдойнинг 57 фоизини Россиядан, 40 фоизини Қозоғистондан сотиб олади. Ўтган йили мамлакатга қарийб 50 минг тонна шакар импорт қилинган, унинг асосий қисми Россиядан, 24,3 минг тонна. Қозоғистондан 4,5 минг тоннадан ортиқ шакар келтирилган.
