Бошқа мавзуларЭроннинг Ғарбий Озарбайжон вилоятининг Сердешт шаҳрининг қишлоқ ҳудудида Эрон-Ироқ урушидан қолган минанинг портлаши оқибатида чегара қўмондонлигининг кичик лейтенанти ҳалок бўлди.
Эроннинг расмий IRNA ахборот агентлигининг хабар беришича, Сердешт губернатори Ҳусропур минтақада Эрон-Ироқ урушидан қолган мина портлаганини маълум қилди.
Ҳусропур: «Сердеш чегара қўмондонлигида хизмат қилаётган кичик лейтенант Меҳди Барзегер кечки назорат вақтида қўриқлаш вазифасини бажараётганда минага тушиб ҳалок бўлди», -деди.
Эрон ва Ироқ ўртасида 1980-йилнинг 22-сентябрида бошланган уруш 1988-йилнинг 20-августида Бирлашган Миллатлар Ташкилоти Хавфсизлик Кенгашининг икки томон тенг қабул қилган 598-резолюцияси билан якунланган.
Уруш йилларида чегара бўйлаб қўйилган миналар ҳамон ҳар икки давлатда кўплаб одамларнинг ўлими ва жароҳатланишига сабаб бўлмоқда.
