Бошқа мавзуларФранция президенти Эммануэл Макроннинг Россиянинг Украина билан урушини тугатиш учун барча имкониятларни ишга солишга тайёрлиги ҳақидаги баёноти унинг Москвага нисбатан олдинги позициясидан кескин фарқ қилди.
15-июнь куни Руминияга ташрифи чоғида у НАТО ҳарбий базасида Франция, АҚШ, Британия ва бошқа иттифоқчи давлатларнинг аскарлари ёнида сўзлаётиб, «Биз Россиянинг кучини тўхтатиш учун, украиналиклар билан уларнинг армиясига ёрдам бериш ва музокараларни давом эттириш учун қўлимиздан келган барча ишни қиламиз”, — деб билдирди.
Аввалроқ Франция президентининг Россияни камситиш мумкин эмаслиги ҳақидаги баёноти Украинани қўллаган давлатларнинг норозилигига сабаб бўлган эди.
Айрим хабарларга кўра, Макрон 16-июнь куни Киевга ташриф буюриши мумкин. Германия канцлери Олаф Шольцнинг ҳам Украина пойтахтига бориши айтилмоқда .
