Россия ғаллани фақат дўст мамлакатларга экспорт қилади

Россия ғаллани фақат «дўст мамлакатлар»га сотишини эълон қилди.

Россия Қишлоқ хўжалиги вазири Дмитрий Патрушев Санкт-Петербург халқаро иқтисодий форумида (SPIEF) сўзга чиқиб, бир қатор муаммоларга, жумладан, узилган таъминот занжирлари ва молиявий ҳисоб-китоблардаги қийинчиликларга эътибор қаратди.

Патрушев Россия энг муҳтож давлатларни озиқ-овқат билан таъминлаш учун бу тўсиқларни енгиб ўтиши кераклигини таъкидлади.

«Бизнинг қишлоқ хўжалиги маҳсулотларимиз ташқи бозорда бўлади, фақат бизга дўстона муносабатда бўлган ва бизга тўсқинлик қилмайдиган мамлакатлардагина бўлади»,- деди.

Россиянинг президенти Владимир Путин ўтган ойда ўз мамлакатининг бу йил рекорд даражадаги буғдой ҳосилини кутаётганини маълум қилган эди.

Айрим давлатлар очарчилик хавфи остида эканини эслатган Россия етакчиси бунга «Ғарб элитаси» айбдор эканини айтди.

Сўнгги икки ой ичида буғдой нархи рекорд даражага кўтарилган бўлса-да, ғалла инқирози бутун дунёда сезилмоқда.

Об-ҳаво ва янги турдаги коронавирус (Ковид-19) пандемиясидан таъсирланган жаҳон озиқ-овқат бозори 24-февралдан буён давом этаётган Россия-Украина уруши ва Ғарбнинг Москвага қарши санкциялари туфайли яна бир зарба олди.

Бўлишинг:

Муҳаррир танлови

Украина уруш туфайли қанча зарар кўрди?

Ирландия парламентининг ташқи ишлар ва мудофаа қўмитаси йиғилишида сўзга чиққан Украина президенти девонининг раҳбари Андрей Ермак Россиянинг ҳарбий ҳаракатлари бошланганидан ...

Ўзбекистонда гўшт йил бошидан буён ўртача 23 фоиз қимматлади

Ўзбекистонда 2018 йил бошидан буён гўшт маҳсулотлари ўртача 23 фоиз ошди. Ушбу даврда, айниқса, мол гўшти ва қўй гўшти нархи сезиларли даражада ўсди. Бу ҳақда Давлат ...

Гурбангули бердимуҳамедов 23 апрел куни давлат ташрифи билан ўзбекистонга келади

Ўзбекистон Республикаси президенти Шавкат Мирзиёевнинг таклифига биноан 23 апрель куни Туркманистон президенти Гурбангули Бердимуҳамедов давлат ташрифи билан Ўзбекистонга ...