Ҳиндистоннинг Ассам ва Мегхалая штатларидаги сув тошқини туфайли қурбон бўлганларнинг сони 32 кишига етди.
Хитойнинг Жаҳон телевидение тармоғининг (CGTN) маълумотларига кўра, Ассам штатининг табиий офатларни бошқариш бошқармаси (ASDMA) штатнинг 28 округида давом этаётган сув тошқинлари оқибатида 13 киши ҳалок бўлганини, 1,8 миллиондан ортиқ киши жабрланганини билдирди.
Мегхалая штатининг табиий офатларни бошқариш бошқармасининг (SDMAM) ҳодимлари ҳам штатда икки кун ичида 19 киши ҳалок бўлганини эълон қилишди.
Ассамдаги селдан жабр кўрган 3 мингга яқин ҳудуддан 108 минг 104 киши ёрдам лагерларидан бошпана топди.
Ҳиндистон Бош вазири Нарендра Моди ижтимоий тармоқларда Ассам бош вазири Химанта Бисва Сарма билан учрашганини таъкидлаб: «Сув тошқинидан жабр кўрган Ассам халқининг хавфсизлиги ва фаровонлиги учун дуо қиламан», – деб айтди.