Ўзбекистоннинг Тошкент шаҳридан Тожикистоннинг Душанбе шаҳрига деярли 30 йил ичида биринчи марта 21-июнда йўловчи поезди етиб келди. Бу ҳақда “Ўзбекистон темир йўллари” акциядорлик жамияти хабар берди.
Шу ойнинг бошида Тожикистон президенти Имомали Раҳмон расмий ташриф билан Ўзбекистонга келган эди. У ҳамкасби Шавкат Мирзиёев билан ушбу қатновни қайта тиклаш тўғрисида келишиб олган.
Маълумотларга кўра, қатнов ҳафтада бир марта амалга оширилади ва йўлнинг масофаси 21 соатни ташкил қилади.
Ўзбекистон ва Тожикистон ўртасидаги темир йўл қатнови 1992-йилда Тошкентнинг қарори билан қўшни мамлакатдаги фуқаролар уруши сабабли тўхтатилган эди.