Афғонистондаги зилзила оқибатида 900 дан ортиқ одам ҳалок бўлди

Афғонистоннинг Пактиё вилоятида содир бўлган 6,1 магнитудали зилзила оқибатида 920 киши ҳалок бўлди. Бу ҳақда давлат ахборот агентликлари ҳукуматга таяниб хабар берди.

Bakhtar агентлиги келтирган қурбонлар сонини Толибон ҳукуматининг ички ишлар вазирлиги тасдиқлади. Улар «Рейтер» агентлигига тасдиқлашича, жабрланганлар сони ҳам кўп.

  Толибоннинг табиий офатларнинг олдини олиш агентлиги раҳбари Муҳаммад Нассим Ҳаққон ҳалок бўлганларнинг аксарияти Пактиёда эканини, Нангарҳор ва Хост вилоятларида ҳам ўлганлар аниқланаётганини қўшимча қилди.

АҚШнинг Геология хизмати (USGS) Афғонистоннинг ва Покистоннинг туташ ҳудудидаги зилзила 22-июнь куни эрта тонгда содир бўлганини, унинг 6,1 баллга етганини тасдиқлади.

Франциядаги Европа Ўртаер сейсмология маркази (EMSC) ва Германиядаги Ер фанлари тадқиқот институти зилзила магнитудаси 6,0 баллни ташкил этганини маълум қилди.

Зилзила Покистон ва Афғонистон ҳамда Ҳиндистоннинг баъзи ҳудудларида ҳам сезилди.

Зилзила тўлқинлари Кобулга, Исломободгача етганини ушбу шаҳарларнинг яшовчилари ижтимоий тармоқлардаги саҳифаларида ҳам тасдиқлашмоқда.

Бўлишинг:

Муҳаррир танлови

Афғонистонда аёл журналистлар эфирга юзларини ёпиб чиқмоқда

Янгиликлар ва бошқа дастурларда суҳандонлик қилаётган аёллар 22-майда «Толибоннинг» буйруғига биноан эфирга юзларини ёпган ҳолатда чиқишди. Шу ойнинг бошида «Толибон» ...

Афғонистон ҳудудидан тожикистонга ракета отилгани айтилмоқда

7-май куни “Исломий давлат” экстремистик гуруҳи Афғонистондан Тожикистонга ракетадан ҳужумини уюштирганини айрим афғон нашрлари ёзмоқда. Бу маълумот Тожикистон ва Толибон ...

Афғонистондаги зилзила оқибатида 900 дан ортиқ одам ҳалок бўлди

Афғонистоннинг Пактиё вилоятида содир бўлган 6,1 магнитудали зилзила оқибатида 920 киши ҳалок бўлди. Бу ҳақда давлат ахборот агентликлари ҳукуматга таяниб хабар берди. ...