АҚШда юк машинадан 42 кишининг жасади топилди

Америка Қўшма Штатларидаги Техас штатининг Сан-Антонио шаҳрида юк машинасидан 42 кишининг жасади топилгани маълум қилинди.

АҚШ оммавий ахборот воситаларидан ўрин олган хабарларга кўра Сан-Антонио шаҳрида қаровсиз қолган юк машинасидан 42 нафар муҳожир эканлиги таҳмин қилинган инсоннинг жасади топилди.

Юк машинасидаги 16 киши маҳаллий шифохоналарга етказилди. Юк машинасидаги инсонларнинг ноқонуний йўллар билан АҚШга киришга урингани таҳмин қилинмоқда.

Сан-Антонио полицияси юк машинаси ҳайдовчисини қидираётганлигини маълум қилиб, бироқ расмий хабар берилгани йўқ.