Россия ҳарбийлари Лисичанск шаҳрини қамал қилишга уринмоқда

Украина армияси 29-июнда Россия ҳарбийлари Луганск вилоятининг Лисичанск шаҳрини қамал қилишга уринаётганини маълум қилмоқда.

Британия разведкасининг чоршанба куни берган маълумотларига кўра, 25-июндан бери Россия армияси Луганскдаги украин аскарлари назорати остидаги сўнгги шаҳарга жанубий томондан яна икки километрга яқинлашди.

Луганск ҳарбий губернатори Сергей Гайдай Лисичанск доимий равишда ўққа тутилаётгани ва шаҳар атрофида ҳарбий фаоллик кучайганини Украина телевидениесига айтди.

«Руслар қўлларида бўлган барча қуроллардан фойдаланмоқда», – дейди Гайдай.

Губернаторнинг қўшимча қилишича, шаҳардаги аҳвол оғир, у ердаги вазият 25-июнда Россия назоратига ўтган қўшни Северодонецкдагига ўхшаш.

Агар Россия Лисичанск шаҳрини қўлга киритса, унда амалда Украинанинг Луганск вилояти устидан тўлиқ назорат ўрнатган бўлади.

Москванинг Украинадаги ҳужумлари 24-февралдан бери давом этмоқда. 27-июнда Украинанинг Кременчуг шаҳридаги савдо марказига Россия ҳарбийларининг ракета ҳужуми оқибатида камида 18 киши ҳалок бўлди. Украина расмийларига кўра, 36 киши беъдарак йўқолган.

Бўлишинг:

Муҳаррир танлови

Украина: 5710 рус аскари ҳалок бўлди

Украина Бош штаби сўнгги беш кун ичида Россия кучларининг йўқотишлари ҳақида баёнот берди. Баёнотга кўра, 5 минг 710 рус аскари ҳалок бўлган, 200 нафари эса асирга олинган. ...

Москва ўрмонидан ўзбекнинг жасади топилди

8 октябрь куни Москва вилояти Люберец туманидаги ўрмондан Ўзбекистон фуқаросининг жасади топилган. Бу ҳақда ТИВ хабар қилмоқда. 2 октябрь куни “Томилинск электрон заводи” ...

Зеленский: украина жангларда кунига 60-100 аскаридан айрилмоқда

Украина қуролли тўқнашувларда ҳар куни 60 дан 100 гача аскарини йўқотмоқда. Бу ҳақда Украина президенти Владимир Зеленский Американинг Newsmax интернет нашрига берган ...