АҚШнинг Европадаги ҳарбий кучларини мустаҳкамлайди

АҚШ Европадаги қўшинларини мустаҳкамлаб, бу минтақадаги ҳамкор давлатларга қўшимча ҳарбий техника жўнатади. Бу ҳақда АҚШ президенти Жо Байден 29-июнь куни НАТОнинг Мадриддаги саммити доирасида ҳарбий альянснинг бош котиби Йенс Столтенберг билан учрашувида маълум қилди.

Унинг сўзларига кўра, Испаниянинг Рота шаҳридаги АҚШ ҳарбий кемаларининг сони тўртдан олтитага кўпаяди. Польшада АҚШ армиясининг 5-корпусининг доимий идораси очилади. Шунингдек вақти-вақти билан таркиби алмашиб турувчи бригада Руминияга юборилади. Байденнинг сўзларига кўра, бригадада 3000 га яқин аскар ва 2000 аскардан ташкил топган ҳарбий гуруҳ бўлади.

«Биз Болтиқбўйи давлатларида айланма кучларимизни мустаҳкамлаймиз ва қўшимча F-35 эскадрильяларини Британияга юборамиз. Шунингдек, Германия ва Италияга қўшимча ҳаво ҳужумидан мудофаа тизимлари ва бошқа жиҳозларни жойлаштирамиз», – деди Байден.

Унинг қўшимча қилишича, Россия Европадаги тинчликка таҳдид солмоқда ва НАТО қуруқлик, ҳаво ва денгиздаги барча таҳдидларга тайёр.

Москванинг 24-февраль куни Украинага бостириб кириши ортидан НАТО Европанинг шарқидаги ҳамкор давлатлардаги ҳарбий кучларини мустаҳкамлашга киришган.

Бўлишинг:

Муҳаррир танлови

Мексикада йирик туннель топилди

Мексиканинг Тихуана шаҳридан АҚШнинг Сан-Диего шаҳригача олиб борувчи наркотик моддаларини ташийдиган йирик туннель топилди. Мексикадан Қўшма Штатларининг саноат зонасидаги ...

Венесуэла президенти мадуро эронда

 Эрон ва Венесуэла ўртасида 20 йиллик кенг қамровли ҳамкорлик шартномаси имзоланди. Пойтахт Теҳронга ташриф буюрган Венесуэла президенти Николас Мадуро Садобод саройида ...

Эквадорда 1100 дан ортиқ одам ҳибсга олинди

30-апрелда Эквадорнинг учта провинциясида жорий этилган фавқулодда ҳолат вақтида 1131 киши ҳибсга олинган. Президент Гилермо Лассонинг қароридан сўнг ҳуқуқ-тартибот идоралари ...