Россия Змейний оролидан аскарларини олиб чиқиб кетганини эълон қилди

Россия Мудофаа вазирлиги 30-июнь куни Қора денгиздаги Змейний оролидан ўз қўшинларини олиб чиққанини маълум қилди. У ердаги ҳарбий топшириқ бажарилиб бўлганини ва гарнизон «яхши ниятни кўрсатиш учун» олиб чиқилганини Игорь Конашенков айтди.

«Бу билан Россия БМТнинг Украина ҳудудидан қишлоқ хўжалиги маҳсулотларини ташиш бўйича гуманитар йўлак ташкил этиш ҳаракатларига тўсқинлик қилмаслигини жаҳон ҳамжамиятига кўрсатди», — деди у.

Украинанинг «Жанубий» тезкор қўмондонлигининг маълумотларига кўра, Россия томони Украина аскарларининг зарбаларидан сўнг «Гарнизондаги қолдиқларини шоша-пиша йиғиб, иккита тезюрар қайиқ билан олиб чиқариб кетган. Ҳозир оролда ёнғин ва портлашлар содир бўлмоқда».

Одессадан унча узоқ бўлмаган ушбу оролда Россия техникасини йўқ қилиш учун зарба берилаётганини Украина томони бир неча бор таъкидлаган.

Змейний оролини рус аскарлари урушнинг биринчи куни 24-февралда босиб олишган. Украина томонининг маълумотларига кўра, 17-июнь куни Россия у ерга аскарлари ва қурол-яроғларини етказиб бераётган “Василий Бех” кемаси йўқ қилинган.

Қора денгизнинг шимоли-ғарбий қисмидаги ушбу оролга эгалик қилиш Одесса вилоятидаги қирғоқ ҳудудини ва Одесса портини назорат қилишда муҳим рол ўйнайди.

Бўлишинг:

Муҳаррир танлови

Польша россияни «империя сиёсати»ни тўхтатишга чақирди

Россия Европада «империал сиёсат» олиб боряпти ва уни тўхтатиш керак, деди Польша президенти Анджей Дуда «Ниезалезна» нашри билан суҳбатда. Польша президентининг сўзларига ...

Россияда владимир путинга “қабр тоши” қўйган яна бир активист ҳибсга олинди

12 март куни Набережние Челни шаҳар суди Владимир Путинга «қабр тоши» қўйилган акцияда иштирок этган фаоллардан яна бир — 32 ёшли Николай Переседовни ҳибсга олди. Бу ҳақда ...

Дмитрий медведев урганч ва хивага келади

2019 йилнинг 29-30 май кунлари Россия Федерацияси ҳукумати раҳбари Дмитрий Медведев бошчилигидаги делегация Ўзбекистонга ташриф буюради. ТИВ хабарига кўра, Ўзбекистон ...