Украина сепаратистик ҳудудларни тан олгани учун Сурия билан алоқаларини узди

Украина президенти Владимир Зеленский 29-июнда мамлакатнинг шарқидаги сепаратистик ҳудудларни мустақил деб тан олгани учун Сурия билан дипломатик алоқалар узилганини эълон қилди.

Расмий Дамашқ Луганск ва Донецк вилоятларини “халқ республикаси” сифатида тан олган дунёдаги биринчи давлат бўлди.

«Россия Суриядан Донбассдаги босиб олинган тузилмаларни давлат сифатида тан олиш тўғрисидаги баёнотига ниҳоят етишди”, — деди Зеленский.

Унинг сўзларига кўра, Сурия билан ҳеч қандай алоқалар бўлмайди, Дамашққа нисбатан санкциялар босими янада кучаяди.

Украинанинг Суриядаги элчихонаси Дамашқдаги идорасидан бу мамлакатдаги фуқаролар уруши сабабли 2016-йилда Ливанга эвакуация қилинганидан бери қайтмаган эди.

Сурия минтақавий келишмовчиликларда Россияни қўллаб-қувватлаб келмоқда. 2018-йилда Дамашқ Россиянинг ташаббуси билан Грузия ҳудудидаги Абхазия ва Жанубий Осетияни мустақил давлатлар сифатида тан олишга рози бўлгач, Тбилиси ҳам Сурия билан дипломатик алоқаларини узган эди.

Бўлишинг:

Муҳаррир танлови

Ғофуржон мирзаев: биз иккинчи америка бўламиз

Аҳолиси Ўзбекистоннинг турли ҳудудларидан келиб қўним топган Сирдарё вилояти Америкага қиёсланди. Бу ҳақда 22 август куни вилоят ҳокими Ғофуржон Мирзаев I Халқаро инвестиция ...

Жамшид қўчқоров: «бензин нархи ошмади, аксинча арзонлашди»

Ахборот ва оммавий коммуникациялар агентлигида Бош вазир ўринбосари, Молия вазири Жамшид Қўчқоров ва бир қатор вазирликлар мутасаддилари иштирокида матбуот анжумани бўлиб ...

Европада газ нархи рекорд даражада қимматлади

Европада газ нархи рекорд даражага етди - 1000 куб метр учун 2200 доллар. Бу маълумотлар Лондонда жойлашган ICE Futures биржаси рейтингида келтирилган. Европада газ нархи ...