Буюк Британия Украина учун яна 1,2 миллиард доллар ажратишини маълум қилди

Буюк Британия Украина Қуролли кучларини қўллаб-қувватлаш учун яна 1,2 миллиард доллар ажратилишини эълон қилди. Бу маблағлар Украина армиясининг мудофаа қобилиятини мустаҳкамлашни, ҳаво ҳужумидан мудофаа тизимларини, учувчисиз самолётлар, замонавий электрон уруш техникаси ва ҳарбий техника сотиб олишга йўналтирилиши айтилди.

Бугун, 30-июнда Мадридда бўлиб ўтаётган НАТО саммити чоғида Sky News телеканалининг саволларига жавоб бераётиб Буюк Британия ташқи ишлар вазири Лиз Трасс Россия президенти Владимир Путиннинг агар Ғарб давлатлари Украинага қурол берса, «қизил чизиқдан ўтиб кетади» деган баёноти шунчаки риторик баёнот эканини, бу баёнотга эътибор бермасдан Украина томонининг ғалабасини қўллаб-қувватлаш учун барча ҳаракатларни қилиш кераклигини айтди:

«Агар биз буни қилмасак, келажакда Европа хавфсизлигига янада катта хавф туғдиради. Биз ҳозирги йўналишимизни давом эттириб, Украинани қўллаб-қувватлашимиз ва Россияга қарши санкцияларни сақлаб, Владимир Путиннинг баёнотларига эътибор бермаслигимиз керак. Биз учун жойида содир бўлаётган воқеалар муҳим».

Шу тариқа, Буюк Британия томонидан жорий йил бошидан бери Украинага ажратилган иқтисодий ва ҳарбий ёрдамнинг умумий миқдори 4,6 миллиард долларга етди.

Бўлишинг:

Муҳаррир танлови

Украинада икки рус аскари узоқ муддатга озодликдан маҳрум бўлди

Украина суди икки нафар россиялик асирнинг ҳар бирини 11 ярим йиллик қамоқ жазосига ҳукм қилди. Улар Рус босқинининг биринчи куни, 24-февралда Харьков вилоятидаги тинч аҳоли ...

Украина шарқида россия ҳужумларининг янги тўлқини бошланди

Украинанинг Лисичанск шаҳри бугун, 30-июнда Россия армияси томонидан узлуксиз артиллериядан ўққа тутилмоқда. Маҳаллий ҳокимият Украинанинг шарқдаги сўнгги йирик таянчи бўлган ...

Россиядаги портиллаш бўйича ҳибсга олинган азимовларнинг отаси путинга мурожаат қилди

Жалолобод шаҳрининг яшовчиси Ахрол Азимов Россия президенти Владимир Путинга мурожаат қилиб, икки ўғли Акром ва Аброр Азимовларнинг ишини ҳолис қаралишига ёрдам беришини ...