Бошқа мавзуларҚозоғистон Ўзбекистондаги сўнгги воқеалар юзасидан баёнот берди, деб хабар қилади ҚР ТИВ матбуот хизмати.
“Ўзбекистон Қозоғистон учун қардош давлат, ишончли иттифоқчи ва стратегик шерикдир. Шунинг учун Қозоғистон Ўзбекистон Республикасида содир бўлган сўнгги воқеаларни хавотир билан қабул қилди.
Биз Ўзбекистон раҳбариятининг Қорақалпоғистон Республикасидаги вазиятни барқарорлаштиришга қаратилган қарорларини олқишлаймиз ва қўллаб-қувватлаймиз. Ғоят муҳим сиёсий воқеа – Конституцияга ўзгартиришлар киритиш бўйича референдум арафасида қардош Ўзбекистонда тинчлик ва осойишталик қарор топишига ишончимиз комил.
“Қозоғистон Ўзбекистон билан 1998-йилнинг 31-октябридаги Абадий дўстлик тўғрисидаги шартнома, 2013-йилнинг 14-июнидаги Стратегик шериклик тўғрисидаги шартнома ва 2021-йилнинг 6-декабирдаги Иттифоқчилик муносабатлари тўғрисидаги декларация руҳидаги кўп тармоқли ҳамкорликни ривожлантириш ва мустаҳкамлашга қатъийдир ”, – дейилади расмий баёнотда.
