Amnesty International Тошкентни Нукусдаги воқеаларни холис тергов қилишга чақирди

Халқаро Amnesty International инсон ҳуқуқлари ташкилоти Ўзбекистон ҳукуматини Нукусдаги воқеаларни чуқур, холис ва мустақил тергов қилишга чақирди.

Бу ҳақда ташкилотнинг Шарқий Европа ва Марказий Осиё бўйича бош директори Мари Стразерс маълум қилди. «Ўзбекистон ҳукумати мустақил фикрларнинг чиқишига йўл қўймай, маълумотларни тўсиб қўйиб, фавқулодда ҳолат эълон қилиш билан одатий тажрибасига таянмоқда. Аслида интернет ва мобил алоқанинг ўчирилиши одамларнинг ҳақиқатда нима бўлаётганини билишига тўсқинлик қилмоқда», – деди Стразерс.

Аввалроқ Европа Иттифоқи Қорақалпоғистондаги қонли воқеаларни очиқ ва мустақил тергов қилишга чақирган эди.

1-2-июль кунлари Қорақалпоғистон пойтахти Нукус шаҳрида содир бўлган тартибсизликларда 18 киши ҳалок бўлди, 243 киши жароҳатланди. 516 киши ҳибсга олингани маълум бўлди.

Айрим маълумотларга кўра, намойишчиларни куч билан тарқатиш чоғида мингдан ортиқ одам яраланган. Қорақалпоғистонда норозиликларнинг бошланишига Конституциянинг янги таҳрири жамоатчилик муҳокамасига қўйилгани сабаб бўлган.

Янги таклиф этилаётган лойиҳада Қорақалпоғистон Ўзбекистон таркиби кирган «суверен республика» деган мақоми олинган эди.

Тўполонлардан сўнг Ўзбекистон парламенти Конституциянинг янги лойиҳасида Қорақалпоғистоннинг суверен мақомини ўзгаришсиз қолдиришни қўллаб-қувватлади.

Бўлишинг:

Муҳаррир танлови

Эквадор ҳукумати бензин нархи кўтарилгани сабабли уюштирилган норозилик намойишларидан сўнг пойтахтни тарк этди

Эквадор президенти Ленин Морено миллий телевидения эфирида мамлакат пойтахти Кито шаҳридан Тинч океани соҳилида жойлашган йирик шаҳар Гуаякилга кўчирилганини эълон қилди. Бу ...

Ўзбекистон аҳолиси 33,52 млн кишига етди

Давлат статистика қўмитаси маълумотларига кўра, 1 июль ҳолатига Ўзбекистон аҳолиси 33523,6 минг кишини ташкил этиб, йил бошидан 268,1 минг кишига ёки 0,8 % га ўсди, деб ёзади ...

Путин 134 500 нафар ёшларни ҳарбий хизматга чақирмоқда

Россияда 1-апрелдан баҳорги муддатли ҳарбий хизматга чақириш бошланади. Ҳарбий хизматга 18 ёшдан 27 ёшгача бўлган эркаклар чақирилади. Чақирув 15-июлга қадар давом этади. Шу ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400