Ўзбекистон: Chevrolet Malibu’ни кредитга сотиш йўлга қўйилиши мумкин

 

 Уз.авто  Ўзбекистон автомобиль саноатининг энг қиммат модели ҳисобланган ва салкам икки йил аввал сотувга чиқарилган Chevrolet Malibu автомобиллари иккиламчи бозорда сўнгги бир неча ойдан бери сезиларли даражада арзонлашиб  қолди.

Мазкур автомобилнинг иккиламчи бозордаги нархи 21-26 минг доллар атрофида баҳоланмоқда. Тошкент автосалонларидаги худди шундай автомобилнинг янгиси 33 минг доллар атрофида баҳоланаяпти. Фойдаланилган автомобиль нархи эса, сифатига, сақланиши, кўринишига қараб, 7-12 минг долларга арзонлашган.

«Бундай ҳодиса ҳеч қачон кузатилмаган», – деб ёзмоқда Podrobno.Uz интернет-нашри  ўз  хабарида.

Кузатувчиларнинг фикрича, Malibu’нинг нархи бир неча сабабларга кўра арзонлашмоқда. Биринчидан, автомобиль таъмири қиммат, эҳтиёт қисмларини ҳам осонликча топиб бўлмайди. Бундан ташқари, ҳайдовчилар орасида Malibu’нинг ҳаракатлантирувчи механизми яхши эмас,  деган “ташхис”лар ҳам  мавжуд. Шу сабабли ушбу машина ҳайдовчилари, узоғи билан бир йил фойдаланиб, кейин уни сотишга ҳаракат қилишмоқда.

Ҳозирги вақтда иккиламчи бозор Chevrolet Malibu’лар билан «тўлиб кетган». Харидорлар сони эса, сотувчилар тахмин қилганидек, унчалик ҳам кўп эмас. Шу сабаб ҳам автомобилнинг нархи тушиб кетмоқда. Автосалонларда ҳам Malibu учун шартномалар  навбатларсиз тарқатилмоқда.

Баъзи маълумотларга кўра, автосалонларда Chevrolet Malibu савдосининг пастлиги сабаб, яқин вақт ичида машинани ҳатто кредитга сотиш ҳам йўлга қўйилиши мумкин.

Мулкдор хабари

Бўлишинг:

Муҳаррир танлови

Мтс  ўзбекистонга қайтаяпти…ми?

    МТС компаниясининг Ўзбекистонга қарши Нью-Йоркдаги халқаро арбитраж судига берган шикояти вақтинча "музлатилган". Бу ҳақда Россиянинг "Ведомости" нашри хабар ...

Тошкент марказидаги бутиклар яна ёпилди

Тошкентда 8 март арафасида жаҳоннинг таниқли брэндлари маҳсулотлари билан савдо қилувчи бутиклар яна ёпилган. Шаҳар марказидаги Mango, Geox, S.Oliver, New millennium каби ...

Ўзбекистонда 2017 йилда инфляция 12-14 % бўлиши мумкин

Марказий банк прогнозига кўра 2017 йилда инфляция миқдори ўтган йилгидан 2,5 баравар кўп бўлиши мумкин. Бунга сабаб – валюта ва пул-кредит ислоҳотлари ҳамда ҳамда айрим ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400