Львовнинг апелляциявий маъмурий суди сешанба куни Украинанинг Коммунистик партияси фаолиятини тақиқлади. Шикоят билан мамлакатнинг Адлия вазирлиги судга мурожаат қилган. Россия босқинидан буён Украинада 15 партияга тақиқ қўйилган. Мамлакат мустақиллигининг дастлабки йилларида коммунистлар энг кучли сиёсий куч бўлиб келган эди. 1999-йилда унинг раиси Петр Симоненко ҳатто президентлик сайловларининг иккинчи босқичига чиқиб, Леонид Кучмага ютқазган.
Коммунистик партиянинг фракцияси парламентга 2014-йилгача кирди. Ўша йили Май ғалабасидан кейин партия сайловларда муваффақият қозона олмаган. Бир қанча аъзолари Донбассдаги бўлгинчиларни қўллаб-қувватлаган.
Суд 2015-йилда партия фаолиятини тақиқлаган бўлса-да, қарор ҳали кучга кирмаган эди.
Россия босқинидан сўнг Украинада бир қанча москвапараст партиялар, жумладан, парламентда фракциялари бўлган «Мухолифат блокга», «Ҳаёт учун мухолифат платформаси» фаолияти тақиқланди.