Покистоннинг Балужистон ҳудудида кучли ёмғирдан кейин содир бўлган сув тошқини оқибатида камида 18 киши ҳалок бўлди, яна бир киши жароҳатланди. 6-июлда маҳаллий Фавқулодда вазиятлар бошқармаси Кветта шаҳрида фавқулодда ҳолат эълон қилди. У ерда камида тўққиз киши ҳалок бўлган.
Балужистоннинг чекка ҳудудларида ҳамон кўп инсонлар бедарак йўқолганлиги сабабли қурбонлар сони кўпроқ бўлиши мумкин деган ҳавф мавжуд. Ёмғир 4-июлда бошланган ва ҳозиргача тўхтамаган.
Фавқулодда вазиятлар бошқармаси бошлиғи Носир Аҳмад Насарнинг сўзларига кўра, юзлаб уйлар вайрон бўлган, одамларнинг чорва моллари нобуд бўлган. Қутқарувчилар ишларини давом эттирмоқда.
Маълумотларга кўра, бир қатор туманларда 7-июлда ҳам ёмғир ёғади.
Покистонда ҳар йили мавсумий муссон ёмғирлари сув тошқинига, одамларнинг қурбон бўлишига олиб келади.