Ливияда ўғирланган 110 нафар ноқонуний муҳожир армия бўлинмалари томонидан қутқарилди.
Ливия Мудофаа вазирлигига қарашли 444- бригадаси томонидан берилган ёзма маълумотда, ўғирлаб кетилганидан кейин қийноққа солинган ва шантаж қилинган 110 нафар Бангладеш фуқароси учун қутқарув операцияси олиб борилгани маълум қилинди.
Операция ўтказилган ҳудуд ҳақида маълумот берилмаган ҳолда, одам ўғирлаш ҳаракатини амалга оширганларнинг Бангладеш фуқароси 9 кишилик гуруҳдан иборат эканлиги маълум қилинди.
2 нафар ливиялик билан ҳамкорликда ўғирлаб кетилган жабрдийдаларнинг оилаларидан тўлов талаб қилган гуруҳга нисбатан суд жараёни бошлангани қайд этилди.
Ливия армияси 16-майда ҳам келиб чиқиши филиппинлик бўлган 5 нафар ёш аёл қутқарилгани ҳақида хабар берган эди.
Ливия Шимолий Африкадан Европага ноқонуний муҳожирлар ўтиш учун энг кенг тарқалган йўллардан бири ҳисобланмоқда.