Украина армияси Херсондаги Россия қурол-яроғ омборларига зарба берди

Украина Қуролли кучлари Россия томонидан босиб олинган Херсон вилоятининг Новая Каховка шаҳридаги қурол-яроғ омборларига зарба берди. Бу ҳақда Украина ҳукумати ва минтақага Россия томонидан тайинланган маъмурият маълум қилди.

Украина Мудофаа вазирлиги Новая Каховка ва бошқа шаҳарлардаги ҳарбий объектларга ва қурол-яроғ омборларига ракета-артиллерия зарбалари берилганини, бунинг натижасида Россия томони катта захирадан маҳрум бўлганини билдирди.

Кахов туманининг россияпараст раҳбари Владимир Леонтиевнинг ТАСС агентлигига айтишича, Новая Каховкадаги ҳужумда етти киши ҳалок бўлган, 60 га яқин киши жароҳатланган. Вайрона бўлган жойларни тозалаш давом этмоқда. У ракеталар HIMARS тизимидан отилган демоқда.

Ижтимоий тармоқларда содир бўлаётган йирик портлашларнинг видеолари тарқалмоқда.

Херсон вилоятидаги туман маркази ҳисобланган Новая Каховка шаҳри Россия босқинининг биринчи куни 24 февралда Москва назоратига ўтган. Россия томони вилоятнинг катта қисмини эгалламоқда.

Украина томонининг узоқ масофали зарбалари АҚШнинг HIMARS (High Mobility Artillery Rocket System) умумий ракета тизимлари Киевга етиб келганидан сўнг бошланди. HIMARS тизимлари 300 километргача отиши мумкин, аммо 80 километргача юқори аниқликдаги нишонларни йўқ қила олади. Шу пайтгача Украинага ушбу техникадан 8 дона келган, Вашингтон эса яна тўрттасини жўнатган.

Бўлишинг:

Муҳаррир танлови

Путин билан кўришган шифокор коронавирусдан тузалди

Москвадаги Коммунарка касалхонаси бош шифокори Денис Проценко Путин билан кўришгандан сўнг машҳур бўлиб кетганди. Путин 24 март куни Коммунарка касалхонасида коронавирус ...

Украинада уруш бошланганидан бери камида 20 журналист ҳалок бўлди

Россия Украинага бостириб кирганидан бери камида 20 журналист ҳалок бўлди. Бу ҳақда Украина Журналистлар уюшмаси хабар берди. Уюшма мамлакатнинг Бош прокуратураси ўлганини ...

Россия хоккей бўйича жаҳон чемпионатини ўтказиш ҳуқуқидан маҳрум бўлди

Халқаро хоккей федерацияси (IIHF) Россияни ЖЧ-2023 мезбонлик қилиш ҳуқуқидан маҳрум қилди. Федерация кенгаши 26-апрелда Цюрихда бўлиб ўтган йиғилишда шундай қарор қабул ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400