Уруш бошланганидан бери Украинага хорижий кемалар илк марта келди

Россия Украинага бостириб кирганидан бери биринчи марта хориж кемалари дон маҳсулотларини юклаб кетиш учун Украина портларига келди. Бу ҳақда Украинанинг ҳарбий-денгиз кучлари Фейсбукдаги саҳифасида маълум қилди. Кемалар Қора денгиз орқали Дунайга киради ва у ердаги портлардан юк юклайди. Барча юк кемаларини ҳарбий кемалар кузатиб боради.

Киевнинг маълумотига кўра, хориж кемаларининг киритилиши Змейний оролини Украина ўз назоратига олгани учун амалга оширилмоқда.

Бирлашган Миллатлар Ташкилоти (БМТ) Дунай-Қора денгиз канали орқали ғалла экспорти ҳаётий аҳамиятга эга, аммо дунёдаги очарчиликнинг олдини олиш учун етарли эмаслигини билдирди.

Расмий Киев ва Ғарб давлатлари Россияни Украина денгиз портларини босиб олганликда айблаб, буни жаҳон бозорида ғалла нархини кўтариш ва товар тақчиллигини келтириб чиқаришга уриниш деб ҳисоблаб келган. 31-июнда Украина аскарлари рус аскарларини Змейний оролидан сиқиб чиқаргач, Киев Қора денгиздаги вазият устидан назоратни қўлга киритди.

Украина бундан ташқари Россияни Украина донини ўғирлаш ва сотишда айблаб келмоқда. Бу масалада ҳар икки томонга Туркия воситачилик қилмоқда.

Украина дон маҳсулотлари экспорти бўйича дунёда тўртинчи ўринда туради. 2021-йилда бу мамлакат бошқаларга қарийб 45 миллион тонна дон ва дуккакли маҳсулотлар сотган.

Ҳозирда Украинада 22 миллион тоннага яқин дон маҳсулотлари Россия Қора денгизни тўсиб қўйгани сабабли экспорт қилинмаяпти. БМТ вакили Маурицио Мартина аввалроқ Россиянинг Украинага ҳужуми оч қолганлар сонини 18 миллионга кўпайтириб, 218 миллионга етказиши ҳақида огоҳлантирган эди.

Бўлишинг:

Муҳаррир танлови

Украинадаги уруш: россия қўшинлари чиқиб кетган ҳудудлардаги ҳозирги вазият

Бугун Украинада уруш бошланганига 39 кун бўлди. Украина расмийларига кўра, Киев вилоятидан барча рус қўшинлари олиб чиқиб кетилган. Россия қўшинлари ташлаб кетган Киев ...

Москвада марказий осиё эркаклар ўз ватандошларини зўрлади

Москва ғарбидаги квартираларнинг бирида қизларни зўрлаган эркаклар Ўрта Осиё фуқаролари эканлиги аниқланди. Бу ҳақда РИА Новостига таяниб Соф.уз сайти ёзмоқда. Иллюстратив ...

Россия “эхо москва” радиоси ва “дождь” телеканалининг сайтларини блоклади

Россиянинг “Эхо Москва” радиоси ва “Дождь” телеканали ёпилди. Бу ҳақда, Бош прокуратура маълумотларига таяниб, “ТАСС” ахборот агентлиги хабар берди. Бош прокуратура ушбу ...