Винницада Россиянинг ракета зарбасидан 20 га яқин одам ҳалок бўлди

Украинанинг Винница шаҳрида Россиянинг ракета зарбаси оқибатида 20 га яқин одам, жумладан, икки ёш бола ҳалок бўлди. Бу ҳақда Украина фавқулодда вазиятлар давлат хизмати хабар берди.

Украина президенти Владимир Зеленский воқеадан кейин берган баёнотида Россияни «қотил» ва 2террорчи давлат» деб атади.

Ижтимоий тармоқларда эълон қилинган сурат ва видеоларга кўра, ракеталардан бири тўққиз қаватли бинонинг автотураргоҳига келиб тушган. Унда ўнлаб машиналар ёнаётгани кўриниб турибди, жароҳатланганлар ҳам кўп. Бошқа ракеталар унинг яқинидаги биноларни вайрон қилган.

Сўнгги ҳужумлар ракеталардан уюштирилган. Бунгача Винница вилоятида ҳаво ҳужумлари ҳақида огоҳлантиришлар янграган эди. Вилоят маъмурияти раҳбари Сергей Борзовнинг сўзларига кўра, ҳаво ҳужумидан мудофаа тизимлари Россиянинг тўртта ракетасини уриб туширган. Қолганлари биноларга урилган.

Винница Украинанинг марказий қисмида жойлашган шаҳар бўлиб, ҳозирда икки томон фронт чизиғидан анча узоқда жойлашган. Россия бутун Украинани назорат қилиш учун жанговар чизиқдан узоқда жойлашган шаҳарларни ўққа тутмоқда. Июнь ойи охирида Кременчугдаги савдо марказига уюштирилган ҳужумда 20 дан ортиқ одам ўлган, бир неча кун аввал Часов Ярга уюштирилган ҳужумда эса 50 дан ортиқ одам ҳалок бўлган эди.

Бирлашган Миллатлар Ташкилоти маълумотларига кўра, Россия Украинага ҳужум қилган февралдан бери бу мамлакатда 5 мингдан ортиқ тинч аҳоли ҳалок бўлган. Россия кучлари аҳоли пунктларини ўққа тутганини рад этиб келади.

Бўлишинг:

Муҳаррир танлови

Новосибирскдаги автоҳалокатда етти нафар ўзбекистонлик жароҳатланди

18 август куни Россиянинг Новосибирск вилоятидаги К-17р трассасининг 374-километрида содир бўлган йўл-транспорт ҳодисасида етти нафар Ўзбекистон фуқароси жароҳатланди. Барча ...

Ленинград вилоятида 35 ёшли  ўзбек қурилишда баландликдан тушиб кетиб ҳалок бўлди

Ўзбекистоннинг Санкт-Петербург шаҳридаги (Россия) Бош консулхонаси 35 ёшли Ўзбекистон фуқароси М.И. жасади топилганлиги ҳақидаги ОАВда тарқалган маълумотни тасдиқлади, деб ...

Рус ва украин донисиз дунёда очарчилик бўлади

Германиянинг Deutsche Wirtschafts Nachrichten нашри сўнгги ҳафталарда дунёда буғдой нархи кескин ошгани ҳақида хабар бермоқда. Бу эса глобал очарчиликни келтириб чиқариши ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400