Тошкент бизнес учун энг яхши шаҳарлар рейтингида Олма-Ота, Бишкек ва Душанбедан ҳам орқада экан

 

Тошкент    Forbes журналининг Россия нашри россияликлар учун бизнес юритиш бўйича энг қулай бўлган собиқ совет иттифоқи шаҳарлари рейтингини эълон қилди. Podrobno.Uz’нинг ёзишича, бунга нафақат аҳолининг тўлов қобилияти ва солиқ юки, шунингдек, виза режими, рус тилининг мақоми, норезидент учун компанияни рўйхатдан ўтказиш шартлари ҳам ҳисобга олинган.

МДҲ, Болтиқбўйи давлатлари ва Грузияда фаолият олиб борувчи россиялик ишбилармонларнинг тажрибаси асосида ташкил этилган 20 шаҳар аро ўтказилган рейтингда Ўзбекистон пойтахти Тошкент 18-ўринни эгаллаган.

Кучли учликдан Беларусь пойтахти Минск, Эстония пойтахти Таллин ва Литва пойтахти Вильнюс ўрин олган. Қозоғистоннинг «икки пойтахти» – Олма-Ота ва Остона рейтингда, мос равишда, 4- ва 5-ўринларни банд этган. Россия тадбиркорлари 6-ўринни Ригага, 7-ўринни эса Киевга муносиб деб топишди.

Биринчи ўнликни Кавказ пойтахтлари – Ереван (8-ўрин), Тбилиси (9) ва Боку (10) тўлдириб берган. Ундан кейинги ўринларни Харьков (11), Бишкек (12), Одесса (13), Донецк (14), Днепропетровск (15) эгаллашган.

Рейтингнинг сўнгги ўринларини Кишинёв (16-ўрин), Душанбе (17), Тошкент (18) ва Ашхобод (19) шаҳарлари забт этишган. Москва ушбу рейтингда индикатор вазифасини бажарди.

Forbes’нинг ёзишича, Тошкент, умуман Ўзбекистонда) кузатиладиган асосий муаммолардан бири — етказиб берилган маҳсулотлар учун тўловлар 6-9 ойлаб мунтазам равишда кечиктирилади. Божхона билан боғлиқ муаммолар ҳам етарлича. Хусусан, «Хёнде Мотор Мануфактуринг Рус» компанияси 2011 йил ёзида 110та автомобиль етказиб бериб, фақат бир йилдан сўнг божхона расмиятчиликларидан қутилган. Россия савдо-саноат палатасининг қайд этишича, Ўзбекистон бозорига кириш «сиёсий қўллаб-қувватлаш зарурияти мавжудлиги сабаб қийинроқ».

Мулкдор хабар маркази

Бўлишинг:

Муҳаррир танлови

Бир ҳафта давомида онлайн аукцион орқали 2,5 млрдни сўмлик автомобиль рақамлари сотилди

Сотилган давлат рақам белгиларининг умумий суммаси 2,5 млрд сўмни ташкил қилди, - дея хабар бермоқда spot.uz. 5 августдан 11 августгача бўлган давр мобайнида онлайн аукцион ...

Тожик тадбиркорлари москвадаги мажмуада чиққан ёнғиндан миллионлаб зарар кўрди (видео)

  Москвадаги «Синдика» савдо мажмуасида юз берган ёнғин оқибатида ўнлаб тожик тадбиркорлари ҳам катта миқдорда зарар кўрди. Бу ҳақда РТ меҳнат, миграция ва аҳоли ...

Маслаҳат жек ма: “30 та идора мени ишга олишни рад қилган”

Forbes журналига кўра, Осиёнинг энг бой кишиларидан бўлган Жек Манинг бугунги бойлиги  $37,4 млрд. долларни ташкил қилади. Аммо, миллиардер ҳаётида шундай синовли кунлар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400