Франция президенти Франсуа Олланд АҚШ президенти Барак Обама билан учрашув давомида Россияга «Мистраль» типидаги кемаларни сотишдан воз кеча олмаслигини маълум қилди. Бу ҳақда Франция нашрлари хабар бермоқда.
Олланднинг қайд этишича, Франция 2011 йили имзоланган шартларини буза олмайди.
«Шартномада кўзда тутилган маблағнинг катта қисми тўлаб бўлинган.Ушбу шартнома натижасида кўплаб янги иш ўринлари ташкил қилинган», – деди Франция ташқи ишлар вазири Лоран Фабиус.
«АҚШ қадриятларида бўлгани каби, шартнома шартларига ҳурмат билан ёндашиш Франция қадриятларининг ажралмас қисмидир», – дея қўшимча қилди франциялик вазир.
Эслатиб ўтамиз, аввалроқ, АҚШ президенти Барак Обама Франция Россияга «Мистраль» типидаги, вертолёт ташувчи кемаларни етказиб бераётганидан хавотирда эканлигини билдирганди.
Мулкдор хабар маркази