Қозоғистон аҳолиси 18 миллионга яқинлади

Миллий иқтисодиёт вазирлиги ҳузуридаги Статистика қўмитаси маълумотига кўра, 2015 йил 1 январь ҳолатига Қозоғистон аҳолиси 1,5 фоизга кўпайди ва 17 миллион 417,4 мингни ташкил этди.

Шаҳар аҳолиси 2,07 фоизга кўпайиб, 9 миллион 628,8 мингга, қишлоқ аҳолиси эса 0,79 фоизга кўпайиб, 7 миллион 788,6 мингга етган.

Аҳолининг кўпайиши бўйича энг юқори кўрсаткич Мангистау вилоятида (3,3%), энг паст кўрсаткич Қарағанда вилоятида (0,6%) қайд этилди. Шимолий Қозоғистонда эса сўнгги бир йил ичида аҳоли 0,7 фоизга ёки 571,6 мингга камайган.