Путин эски патентлар муддатини узайтирувчи қонунни имзолади

PutinРоссия президенти Владимир Путин 8 март куни “эски”, яъни меҳнат муҳожирларига 2014 йилда берилган патентларнинг амал қилиш муддатини чўзишга имконият берувчи №56-ФЗ федерал қонунини имзолади, дея хабар беради президент матбуот хизмати.

Қонунга мувофиқ, 2014 йилда уч юз мингдан зиёд патент тарқатган Россия Федерацияси субъектининг раҳбари Федерал миграция хизматига (ФМС) мурожаат қилиб, 2014 йилда берилган патентларнинг амал қилиш муддатини уларга пул тўланган даврга қадар, аммо меҳнат муҳожирининг қўлига берилган кунидан бошлаб 12 ойдан ошмаган вақтгача узайтириб беришни сўраш ҳуқуқига эга бўлади.

Олдинроқ 2014 йилда бунақа патентлардан 800 мингтасини тарқатган Москва расмийлари мазкур қонун Россия президенти томонидан имзоланиши биланоқ шунақа рухсатномани олиш учун ФМСга мурожаат қилишга тайёрлигини билдирганди.

Афтидан, кўп сонли чет эллик фуқаролар энди ташвишланмай, бутун Москва учун ягона меҳнат муҳожирларига ишлашга рухсат берувчи ҳужжатларни ёзиб берадиган Миграция марказини ишғол қилишдан тўхтасалар ҳам бўлаверадиганга ўхшаяпти. 2014-йилда патент олган чет эллик фуқаро энди ойига 4000 рублдан тўлаши ва шу билан ФМСга ёки Миграция марказига бормаслиги мумкин бўлиб қоляпти. Шундай қилиб, патентни ҳужжат берилган кундан бошлаб 12 ойгача чўзиш мумкин.

Бўлишинг:

Муҳаррир танлови

Мақсад «пул шилиш»ми?..

Ўзбекистонни дунёнинг узоқ ва яқин давлатлари қанчалик билишади? Ўқитувчим жуда хуноб бўлиб бир воқеани айтиб берганди. Анча йиллар аввал Лондонга борганида бир англиялик ...

“нега фарғонадаги “makro” дўконида гўшт қиммат?”

  "16 июль куни мен Фарғона шаҳридаги "Makro" озиқ-овқат дўконига кирганимда лаҳм гўштининг нархи ўта қимматлигини кўрдим. Килоси 44 990 сўмдан 45 990 сўмгача. Буни ...

Миллиардер усмонов европа иттифоқи санкцияларига қарши судга мурожаат қилди

Асли ўзбек бўлган россиялик миллиардер Алишер Усмонов Европа Иттифоқининг санкциялар рўйхатига тушгани учун Европа судига мурожаат қилгани маълум бўлди. У ўз аризасини ...