“ЛУКОЙЛ” Ўзбекистонда газ қазишни 4 бараварга кўпайтирмоқчи

Россиянинг”ЛУКОЙЛ” ширкати Ўзбекистонда қазилаëтган газ миқдорини 2018 йилга қадар тўрт бараварга ошириш режасида.

“Биз ҳозирда йилига 4 миллиард куб метр газ қазиб олаяпмиз¸ 2018 йилга бориб 16 миллиард куб метр газ олишни режалаяпмиз”¸ деди”ЛУКОЙЛ” президенти Вагит Алекперов “Россия 24″ телеканалида қилган чиқишида.

Алекперовга кўра¸ қазиб олинаëтган газнинг ҳаммаси ширкат лойиҳалари доирасида “Ўзбекнефтгаз” давлат компаниясига сотилади¸ бу ширкат эса¸ газнинг ҳаммасини Хитойга сотади.

Марказий Осиё – Хитой газ қувурининг янги тармоғи ишга туширилиши ортидан Ўзбекистон Хитойга бир йилда 10 миллиард куб метр газ сотишни режалаштирган.

Ўзбекистон ҳудудидаги газ лойиҳаларининг Корея банклари бераëтган кредитлар ҳисобига молиялаштирилаëтганини таъкидлаган”ЛУКОЙЛ” президенти бу лойиҳалардан келаëтган маблағ барқарор сармоя сиëсатини олиб боришга имкон беради.

Дунёнинг газ қазиб олувчи энг йирик давлатлар йигирмалигига кирувчи Ўзбекистонда йилига 55-60 миллиард куб метр газ қазиб олади. Тошкент расмийларига кўра, табиий газ экспорти ҳажми 10-13 миллиард куб метрни ташкил қилади, қазиб олинган табиий газнинг асосий қисми эса ички истеъмол учун ишлатилади.

Шунга қарамасдан, Ўзбекистон аҳолисининг аксар кўпчилиги қиш мавсумини газ тақчиллиги вазиятида ўтказмоқда. Кейинги 4-5 йилнинг воқелигига айланган бу муаммо, жорий йилда, айниқса, кескинлашганини кузатиш мумкин.

Бўлишинг:

Муҳаррир танлови

​​ тошкент вилоятида 80 млн долларга велосипед заводи қурилади

Тошкент вилоятини айланаётган Ўзбекистон Президенти Шавкат Мирзиёев ҳудудни ижтимоий-иқтисодий ривожлантиришга доир лойиҳалар тақдимоти билан танишди. Маълумот беришларича, ...

Ўзбекистон облигацияларини рублда ҳам чиқариш таклиф этилди

МДХМИ битирувчиларининг В форуми иштирокчиси “Газпромбанк”нинг биринчи вице-президенти Денис Шулаков Ўзбекистон облигацияларини рублда чиқаришни таклиф қилди. Бу ҳақда «ЎзА» ...

Сармоядорлар учун ўзбекистон жозибасини йўқотдими?

Ҳокимиятнинг манбаси ва эгаси халқ бўлган демократик давлатларда хавфсизлик ва эркинлик ўртасидаги мувозанат доимо баҳс ва мунозараларга сабаб бўлиб келган.  Хавфсизлик ва ...