“Чегарачилар оиламизни боқиш учун олинган гуручни ўтказмаяпти”

July 5 2017, 05:07 Коррупция

“Фарғона вилоятининг энг муаммоли нуқтаси Сўх туманидан ёзмоқдаман. Чегара кундан-кунга катта муаммога айланмоқда. Халқ қийналишдан ҳеч бўшамаяпти.

“Водил” чегара-назорат пунктидан ҳатто бир қоп унни ўтказмаяпти чегарачилар. Бечора халқ унсиз қолди. “Водил назорат пунктида чеклов қўйган. Ва бу халқни жуда оғир аҳволга солиб қўймоқда. Мисол учун, биз гуручни Фарғонага бориб оламиз. Сўхда 7 минг турадиган гуручни Фарғона бозорида 2,5 минг сўмга оламиз. Фарқи борми? Гуручни олиб, чегарага келсак, 10 килодан кўпроғини чегарачилар қўймайди. Чеклов қўйган. Фақат тадбиркорлик қиладиган одамларни ўтказади. У ҳам ойига 500 минг солиқ тўлайдиган тадбиркорлардир. Шунга яраша катта миқдорда савдо қилишади. Биз эса оиламизни боқиш учун бир қопдан оламиз, холос.

Сўх халқи жуда қийин аҳволда қолмоқда. Нима энди, булар бизни оч қолдирмоқчими?”