Чортоқлик шифокорлар ўз соҳасини тарк этмоқда

 

“Уч йилдан бери Чортоқ шаҳар шифохонасида тинчлик йўқ. Шифохона бош врачи лавозимига умуман нолойиқ, аввал бозорда савдо қилиб пул топиб юрарди. Аввал ВКК комиссиясида раҳбар бўлиб, пора билан қўлга тушиб, ишдан бўшатилган ва кўп йиллар давомида бозорда савдо қилаётган эди.

Шифохонамиз ходимлари, Чортоқ аҳолиси томонидан унинг тайинланганига қарши жуда кўп шикоят борган бўлса-да, ҳар гал Облздрав мудири уни ўз ишида сақлаб қолаяпти. Шифохонада муҳит жуда ёмон. Шунга жуда кўп шифокорларимиз бошқа жойларга ишга кетиб қоляпти. Олдинроқ еттита шифокор санаторияга ишга ўтиб кетди, яқинда яна учта шифокор кетди. Бир неча ойда жаъми ўнта шифокор кетганини нима билан изоҳлайсиз?

Коллективимиз тиббий ҳайъат бўлса, ўзгариш бўлади, деб умид қилувди, афсуски, яна бошлиғимиз облздравга бордию, иш тинчиди… Ходимларни ҳақорат қилиш, шахсиятига тегиш оддий ҳол бўлиб қолгани учун раҳбаримиз ҳурмати ҳам ходимлар олдида қолмаган. Ходимлар безор бўлиб, ишлагиси келмай, бошқа жойларга иш излаб кетишяпти. Ким бу ҳолатга тўғри баҳо бериб, вазиятни яхшилайди? Бу кетишда шифохона тақдири нима бўлади? Иловада суратларни юбораяпман. Ўзингиз кўриб, аҳволни тушуниб олинг.”

https://www.ozodlik.org/a/sizdan-telegram-vrach/28599902.html
Бўлишинг:

Муҳаррир танлови

“жаноб президент, умидим ёлғиз сиздан!”

  "Ҳурматли Мирзиёев Шавкат Миромонович, мен сиздан менга ёрдам беришингизни жудаям қаттиқ илтимос қиламан. Мен яшаб келаётган уйим ичида алоҳида хонада тепамдаги 9 ...

Иш ўринлари яратиш бўйича ваъдалар бериш билан бошланди

Жорий йилнинг 17 январь куни “2013 йилда республикани ижтимоий-иқтисодий ривожлантириш якунлари ва 2014 йилги иқтисодий дастурнинг энг муҳим устувор вазифалари тўғрисида”ги ...