ЎЗА ОМОН БЎЛСА МАТЕРИАЛ ТОПИЛАДИ! ёки наҳорги ош…

Президент Олий Мажлис Қонунчилик палатасида 2017 йил 12 июль куни қилган маърузасида сиёсий партия нашрлари фаолиятини кескин танқид қилди. Партиялар жамият ҳаётидаги мавжуд муаммоларни ўз газеталарида етарлича ёрита олмаётганини куюниб гапирди.

Аммо таҳририятларни ҳам тушуниш керак. Бу ёқда ЎзА деган ташкилот “қип-қизил” мақолаларини таппа-тайёр қилиб жўнатиб турганда, муборак бошни безовта қилиш кимга ҳам ёқарди дейсиз…

Дунё тажрибасида сиёсий партия газеталари оммабоплигини асосан ўша нашрларда эълон қилинадиган танқидий чиқишлар, масалан ҳукумат ёки бошқа мухолиф партиялар фаолиятидаги камчиликлар юзасидан асосли эътирозлар, баҳс-мунозаралар таъминлайди. Хўш, охирги марта қайси сиёсий партиянинг нашрида шу руҳдаги мақолага кўзингиз тушди. Эслолмадингиз-а?

Биринчидан, умуман қайсидир сиёсий партия фаолиятини танқид қилишингиз учун аввало ўша партия ҳақиқатда ишлаётган, амалий фаолият билан шуғулланаётган бўлиши керак. Журналист, ўзича осмондан олиб “бидирлаб” кетавермайку!

Иккинчидан, танқидий-таҳлилий чиқишлар билан энг аввало муайян партиядан сайланган депутат ёки сенаторлар фаоллик кўрсатиши, бошқа сиёсий партиялар қарашларига нисбатан асосли эътирозлар билдириши керак. Чунки, журналист эмас, кўпроқ улар парламент фаолиятида “қайнайди”, мухолиф партия фаолиятидаги “икир-чикирларни”, камчиликларни яхши билади.

Аммо бу борада бизда жуда катта муаммо бор. Масалан, ЎзХДП дан сайланган “халқ вакили” ўлдирсангиз ҳам “ЎзЛиДеп”лик депутатни ёки унинг партиясини газеталарда очиқ танқид қилмайди. Нега дейсизми? Қизиқ экансизку, унда наҳор ошга ким билан бирга боради…?

Фото Ўткира Қаламтебратара.
https://www.facebook.com/
Бўлишинг:

Муҳаррир танлови

Малоҳат эшонқулова: ҳуқуқбон елена урлаева қамоққа олинди

Меҳнатга оид мониторинг жараёнида ҳуқуқбон Елена Урлаева Германия журналистлари билан қамоққа олинди, деб ёзади Ўзбекистон инсон ҳуқуқлари жамияти раиси, мустақил журналист ...

“бу илтифот эмас, миллий адабиётни бойитиш!”

Ўзбекистон ва Тожикистон давлатлари орасида узоқ йиллик узилишдан сўнг нафақат, иқтисодий, балки маданий соҳаларда ҳам алоқалар тикланмоқда. 2017 йилнинг май ойида Душанбе ...

Мустақиллик чироқлари қачон порлайди?!

Азиз замондошим, Тошкент метрополитэни ҳақида нималарни биласиз?! Ёки метрополитэнга тушган бўлсангиз (қачонлардир бўлса ҳам) илк таассуротларингизни эслаб кўрингчи,  бу ...