Журналистнинг “дангал” ёлғони

Журналистнинг “дангал” ёлғони

Рузибай Азимий

Жорий йилнинг 30 июль куни “Ӯзбекистон” канали эфирида кетган “Таҳлилнома” ҳафталик дастуридан кейин Ӯзбекистон телевидениесида рӯй бераётган ӯзгаришлар, телеканалларимиздаги жонланишлар ҳақида, юртимизда сӯз эркинлиги, матбуот эркинлигига кенг йӯл берилаётганлиги тӯғрисида оғзимизни тӯлдириб гапира бошладик. Ҳамкасбимиз Комилжон Шамсиддиновнинг яқин ӯтган даврда мамлакатимизда юритилган иқтисодий сиёсат, қӯшниларимиз билан муносабатларимиз, валюта сиёсатига доир хатоликлар хусусидаги танқидий чиқишини ӯзимизча таҳлил қилиб, ҳалигача адоғига етолмаяпмиз. Журналистнинг “Яқин ӯтмишда жаҳоннинг иқтисодий пешволари Ӯзбекистоннинг пешонасига қанча тамға урган бўлса, Ӯзбекистоннинг шаънига неча бор маломатлар ёғдирган бўлса, Ӯзбекистон корчалонлари иқтисодий уқувсизликда неча бор айбланиб, бошидан не бир шўришлар кечган бўлса, шу — валюта сиёсатини, деб бўлди”, деган шарҳларини сал кам оламшумул сенсацияга айлантириб юбордик.

Танганинг иккинчи томонига, яъни айнан Ӯзбекистон телевидениесининг журналистлари шу кунгача жаҳоннинг иқтисодий пешволари томонидан Ӯзбекистоннинг пешонасига урилган тамғани, Ӯзбекистонимиз шаънига ёғдирилган маломатларни, халқимиз бошидан не бир шӯришлар ӯтганини ёритмаганига, ёритиш учун ҳаракат қилмаганига, “тӯртинчи ҳокимият” вазифасини бажармаганига мутлақо аҳамият бермадик. Каримов системасининг яловбардорлари эканини унутдик. К. Шамсиддинов валюта сиёсатига доир хатоларни таҳлил қилиш жараёнида валютанинг тӯртталаб айирбошлаш курси мавжуд бӯлганини, “қора бозор” аталмиш шармандали ҳолатнинг тараққиёт оёғига тушов бӯлиб келганини “дангал” айтди. Сӯнгра айнан президент (Ш. Мирзиёев) бошлаган ислоҳотлар сабаб, “қора бозор” аста-секин абас бӯлиб, йӯқлик сари равона бӯлаётганига алоҳида урғу берди. Яна ёлғон информация! Аксинча шу кунларда “қора бозор”имиз ҳар қачонгидан кӯра янада кенгайди. Қора бозорларимизнинг йӯқлик сари равона бӯлаётганига ҳамманинг ишониши қийин. Буни ёлғонга йӯйишни хоҳлаган ТВ журналистлари билан пойтахтимизнинг бир неча жойларида аллақачон ташкил топган валюта қора бозорига бирга боришимиз, валютчикларнинг ҳар қачонгидан кӯра эмин-эркин фаолият юритаётганини кӯрсатишимиз мумкин. Аммо буни журналистларимизнинг ӯзлари ҳам яхши билишлари эҳтимолдан ҳоли эмас.
Бизнинг журналистларимиз яна ӯша-ӯша раҳбарлар “ташаббуси” билан йӯқни бор, борни йӯқ қилиш ғоясини танлаяпди. Биз қачон мустақил тарзда, “тӯртинчи ҳокимият” вакили сифатида ӯзимизча бирор бир ишни уддалаймиз?! Қачонгача юқоридан буйруқ кутиб яшаймиз, ижод қиламиз? Шулар ҳақида ӯйларкансан,
“Бирдамлик” ХДҲ лидерининг мамлакатимиздаги сиёсий журналистикага доир танқидий фикрлари ниҳоятда тӯғрилигига, аччиқ, лекин очиқ ҳақиқат эканига ишонч ҳосил қиласан, киши.
Бўлишинг:

Муҳаррир танлови

Ширин шаҳрида уй-жойларни қуришда 426,9 млн. сўмни талон-торож қилишди

Бош прокуратура ҳузуридаги Департаментнинг Ширин шаҳар бўлими томонидан ўтказилган терговга қадар текширувда, “I.M.Q.” МЧЖ раҳбари А.Қ. ва бошқалар  шартномага асосан Ширин ...

Ўзбекистон россиядан «тигр» зирҳли автомобилларини сотиб олди

Ўзбекистон Қуролли кучлари Россиядан кўп мақсадли «Тигр» зирҳли автомобилларини сотиб олди. Бу ҳақда «Хабар.уз» ёзмоқда. Хабарда айтилишича, Ўзбекистон «бир неча ўн» ...

“ҳокимият эски уйларимизни бузиб, ҳеч ким тополмайдиган далага кўчирди”

  "2014 йилда "шаҳарни ободонлаштириш" деб, уйларимиз бузилишга тушди. Бизга жуда ҳам оз миқдорда пул ажратиб, уйларимизни "Самсунг" бульдозерлари билан ковлаб, ўзимизни ...