“Сувчи маҳалласида сув йўқ!”

August 4 2017, 03:08 КоррупцияЎзбекистонЭкология

“Мен Сирдарё вилояти Гулистон шаҳридан бўламан. Сувчилар маҳалласида яшайман. Онам, касал жигарлари сабабли, оғир иш қила олмайдилар. Мен эса ҳомиладорман. Бизда сув муаммо бўлмоқда.

Тассавур қилинг, ичишга сувимиз йўқ. Сувчилар маҳалласи деб номланган бўлсада, сув умуман чиқмайди. Биз эса ялиниб, пақирларимизни кўтариб юрамиз. Айримлар сув беради, лекин кўпинча “йўқ деб”, эшикни ёпишади.

Ҳозирги кунда иссиқ, сувсиз яшаб бўлмаяпти. Уйимизга мотор ҳам ўрнатдик, лекин фойдаси йўқ. Сув идорасининг ходимлари келиб, “пул тўланг”, деб талаб қилишади. Лекин, сувимиз бўлмаса, нима учун тўлашимиз керак?

Қишда эса газ ҳам йўқ. Уйимизни исита олмай ўтирамиз. Бу қанақа замон бўлди?!”