“Шифокор қўрқмасдан, “қўл ҳаққим фалон бўлади”, деб айтишадилар”

 

“Мен Хоразм вилояти Урганч шаҳридан ёзмоқдаман. Тиббиёт соҳасида президентимиз шунча ислоҳот ва ўзгаришлар қилаяптилар, лекин билмадим, баъзи бир тиббиёт ходимлари бунга бепарво бўляпти. Сизларга бир ойнинг ичида бўлган иккита воқия ҳақида сўзлаб бермоқчи эдим.

Синглимни туғиш пайти яқинлашганида Урганч вилоят туғуруқхонасига ётқизган эдик. Синглим жарроҳлик йўли (кесарево) орқали туғиши олдиндан маълум эди. Доим битта шифокор назоратида турар эди. Вақти келганда, ўша шифокор сменада эди ва операцияга олмоқчи бўлганида, қолган шифокорлар талашиб, бош врачга кириб, “ҳали вақти келмаган”, дея чақимчилик қилишганлар. Ҳаммаси пул учун, чунки ҳар бир шифокор қилган операцияси учун, ҳеч нимадан қўрқмасдан, “қўл ҳаққим фалон бўлади”, деб айтади. Майли,операция ҳам яхши ўтди, яна битта жиянли бўлдим. Энг алам қиладигани, “керакли дориларни олиб келинглар” деб, рецепт ёзиб берадилар. У ҳам тушунарли, керакли дорилари йўқдир, лекин булар алоҳида шприц, система, спирт, пахта олиб келишни ҳам сўрайди. Ҳайрон қолади одам, наҳотки оддий шприц ёки спирт берилмаса.

Иккинчи воқия бир неча кун олдин юз берди. Мазам қочиб қолиб, Урганч шаҳридаги, ўзларимизга қарашли, 3-оилавий поликлиникасига бордим. У ерда на участковый шифокоримиз, на ҳамширамиз бор. Участковый шифокор бўшаб кетганларига икки ойдан ошганмиш, ўрнига ҳеч ким келмаганмиш… Ҳамширамиз декретга кетганмиш ва ўрнига ҳеч ким тайинланмаган. Энг кизиғи, ўша поликлиникада бошқа шифокорга мурожаат этсангиз, у кўп ўйлаб турмай, “менинг участкам эмас”, дея гапни қисқа этади. Жаҳлим чиқиб, бош шифокорнинг ёнига кирдим ва “бу қандай гап?” деб сўрадим. У битта шифокорни чақиртириб, мени қабул этишни тайинлади. Шифокор ҳам шошилиб, ёқар-ёқмас дардимни тўлиқ тингламай, дори ёзиб берди. Мен унга қараб, “рецепт ёзмайсизми?” десам, “йўқ, у дориларга керак эмас”, деб айтди.

Дорихонага борсам, ёзиб берган 5 хил турдаги дориларнинг фақат биттасига рецепт керак эмас экан, қолган дорилар учун рецепт шарт экан”.

https://www.ozodlik.org/a/sizdan-telegram-kasalxona/28675875.html

Бўлишинг:

Муҳаррир танлови

«математика» металлом йиғишга, «адабиёт» кўча тозалашга…

  «Математика» металлом йиғишга, «адабиёт» кўча тозалашга... Ёхуд ўқитувчини зиммасига кирмайдиган юмушларга ким мажбурламоқда? «Фарзандим информатика фанидан икки ...

Онангни қози хафа қилса, ёхуд қонун ҳимоячисининг ўзи қонунни бузса…

2018 йилнинг 6-апрель жума куни ҳамма қатори мен ҳам рўзғор ташвишида ўзимга тегишли машинада оилам билан бирга туманимизда бўладиган машҳур жума бозорига бориш мақсадида ...

Ҳокимлар номига сўралган узр билан қутулиб қолмаслиги керак

Ҳокимлар узр сўраш билан қутулиб қолмаслиги керак. Улар қурилишлар ва ободонлаштириш учун ажратилган пуллар қаерга кетгани бўйича ҳисобот бериши шарт. Бу ҳақда президентнинг ...