“Ўқитувчи ва врачлар яна кўча тозалаяпти. Комиссия келармиш…”

​”12 -13 август кунлари Пастдарғом тумани ҳокимиятининг оғзаки буйруғи билан туман ҳудудидан ўтувчи “Самарқанд-Жума-Гўзалкент-Каттақўрғон” йўлида “комиссия келиши” сабаб йўл устидаги мактаб, коллеж ўқитувчилари ва поликлиника ходимлари оммавий кўча тозалашга сафарбар қилинди.

Ҳар битта таълим ва тиббиёт муассасасидан шахсан раҳбари бошчилигида тозалаш ишларида иштирок этиш сўралган. Чархин шаҳарчасида эса тиббиёт ходимлари ҳатто оқ халатларда кўча тозалаётганини кузатиш мумкин.

Гўзалкент ҳудудидаги Мевали Агросаноат коллежида ишлайдиган танишимнинг айтишича, раҳбарият томонидан “биров сўраса, ўзимиз чиқдик”, деб айтиш буюрилган. Ўша танишим куни кеча Наманган вилояти ҳокимининг вилоят ҳудудида ободонлаштириш ишларига давлат муассасалари ходимларининг жалб этилмаслигини эшитиб, хурсанд бўлган эдим.

Лекин Пастдарғом ҳокимлиги шармандаларча ҳаммамизни кўчага ҳайдади. Баъзи ҳудудларда шахсан туман халқ таълими бўлими ходимлари ва ҳокимлик мутасаддилари ишнинг бошида турганини кузатиш мумкин”.

​​———————————————————————-

Илтимос, “Sizdan Telegram” лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​