Венесуэлада очарчилик: одамлар ҳайвонот боғидаги ҳайвонларни ўғирлаб емоқда

Венесуэлада бир неча ойдан бери давом этаётган нотинчликлар туфайли аҳоли ўртасида озиқ-овқат маҳсулотларининг мунтазам етишмовчилиги кузатилмоқда, дея хабар бермоқда Guardian​ нашри.

Ҳукуматга қарши давом этаётган норозилик намойишлари ва иш ташлашлар инқироз ҳолатидаги мамлакат иқтисодиётини бутунлай издан чиқариб, аҳолини истеъмол товарлари билан таъминлаш ишлари тўхтаб қолган. Венесуэла полицияси Сулия штатида жойлашган миллий қўриқхонадан бир жуфт ёқали пекарсимонлар (Жанубий Америкада яшовчи ёввойи чўчқага ўхшаш ҳайвон) ўғирлаб кетилганини маълум қилган.

Ҳайвонлар ўтган ҳафта охирида Колумбия чегараси яқинида жойлашган Маракайбо шаҳри ҳайвонот боғида сақланар эди. Сулия штат полицияси вакили Луис Моралеснинг айтишича, ёввойи ҳайвонлар истеъмол мақсадида олиб кетилгани тахмин қилинмоқда.

Ҳайвонот боғи раҳбари Леонардо Нунеснинг маълум қилишича, охирги ҳафталар давомида 10 та ҳайвон ўғирлаб кетилган. Аммо боғ раҳбари ўғрилар ҳайвонларни ейиш учун олишганига оид хабарни рад этган. Унинг айтишича, ўғрилар ҳайвонларни сотишни мақсад қилишган.

Инқирозга юз тутган Венесуэлада озиқ-овқат маҳсулотлари етишмовчилиги одатий тус олган. Мамлакатда апрел ойидан бери давом этаётган нотинчлик ва иқтисодий инқироз туфайли миллионлаб одамлар қаердан бўлмасин овқат топиш учун яшаяпти. Очарчилик нафақат одамлар, балки ҳайвонот оламига ҳам таъсирини ўтказган. Ўтган йили Каракасдаги ҳайвонот боғида 50 га яқин ҳайвон очликдан ўлгани қайд этилган.

http://sof.uz/news/show/10881-venesuelada-ocharchilik-odamlar-hayvonot

Бўлишинг:

Муҳаррир танлови

Бош прокуратура отабек муродов истеъфоси ҳақидаги миш-мишларни яна бир бор рад этди 

Аввалроқ, айрим Telegram каналлар ва ижтимоий тармоқларда бош прокурор Отабек Муродов лавозимини тарк этгани ҳамда унинг ўрнини ички ишлар вазири Пўлат Бобожонов эгаллагани ...

Эрдўғоннинг партиядоши ўзбекистонда туризмни ривожлантиришда ёрдам беради

Шавкат Мирзиёевнинг Туркияга ташрифи давомида Ўзбекистонда туризм соҳасини ривожлантириш учун расмий Анқара томонидан Содиқ Бадак номзоди таклиф қилингани маълум бўлди. Содиқ ...

Алматовнинг қайтиши. мхх кучсизландими?

Зокиржон Алматов (ўнгдан учинчи) Ислом Каримов қабри бошида ИИВда собиқ вазир Зокиржон Алматов учун янги лавозим жорий қилинди. 68 ёшли Алматов ИИВ раҳбарига маслаҳатчи этиб ...