Ўзбек блоггери: Хамшаҳарларим бўлган Қўқонликларга

Бугунда хонлар шаҳри бўлган Қўқонни жуда аҳволи аянчли ҳолатда. Мен Қўқондаги ҳокимият ёки хуқуқни мухофаза қилувчи органлар ҳақида ёзмоқчи эмасман, ёки Республикадаги энг расвоси чиққан таназулга юз тутган таълим ҳамда медицина ҳақида ҳам эмас, “экстренный больница”дан баъзи бир фермерларни молхонаси яхшироқ эканлигини яхши биламиз.

Мақола Одилжон Қаҳҳоровнинг “Фэйсбук”даги саҳифасидан олинди

 

Бугунги кунда Қўқон ҳалқини, оддий ҳалқнинг қўрқоқлиги, ўз ҳаққини талаб қила олмасдан ҳар қандай зулмга рози эканлигини билдирмоқчиман.

Қўқондаги (қуйида расмини кўрсатиб қўйганман) АЁҚШларда бензинни 3700 сўм сотяпти, ачинарлиси норози одамни ўзи йўқ, заправкага кирган ҳаридорлар ҳеч қандай эътироз билдирмасдан 3700 сўмдан санаб бериб, яни 15% ҳаққини индамасдан, ҳеч бўлмаса норози эканлигини билдирмасдан бензин қуйиб чиқиб кетяпти.

Республикамизни жуда кўп шахарларида бўламан, Гулистон, Ангрен, Охангарон ҳатто Қўқондан қайси томонга бўлса ҳам 20км чиқсангиз бензинни ўзининг нархида оласиз, лекин Қўқонда бошқа нарх. Қўқонликлар биласизларми ғинг демасдан ҳаққингизни бировга бериб кетганингиз учун жавоб беришингизни?

Заправкага кирдим, 20 литр бензин қуйворинг, қанча бўлади десам, оператор;

-74000 сўм.

-ие, нимага 74000 сўм, инсоф борми?

-ман билмайман, хўжайн шунчадан сотасан деган.

-чақиринг хўжайнни.

-хозир йўқ эдилар, ака ман нима қилай, хозир сизга арзон сотсам ёнимдан тўлашим керак бўлади.

Шу алфозда гап талашиб турсак, мани орқамдаги машина эгалари келиб 3700 сўмдан тўлаб кетишяпти, уларни иккитасига айтдим, қанақа одамсизлар, индамасдан ҳақларингни бериб кетаверасизларми?

Жавоб йўқ. Лекин навбатни бўшатмай ҳаққимни талаб қилаётганим учун норозилик бор.

Қисқа қилиб айтадиган бўлсам, Ўзбекистонда энг қўрқоқ, энг “ҳарп” (Қўқонликлар содда, хеч нима қўлидан келмайдиган лаллайган одамларни ва атрофдан келадиган қишлоқликларни “ҳарп” деб мазах қилади, шуни эътиборга олиб ҳарп деяпман, улар учун ҳаттоки Қўқондан 1км узоқда бўлган Данғаралик, Тўлавойлик, палахонлик, учкўприклик бўлса ҳам ўша ўлчов, Қўқонлик бўлмаса бўлди ҳамма ҳарп) одамлар Қўқонда яшайди.

Эслатиб қўяй ман ўзим Қўқонликман, ортиқча Қўқонни билмасдан туриб гапирманг, бля-бля-бля деган гаплар бўлмасин, ўринли эътироз бўлса қабул қиламан.

P.S Ичимизда Мел Гибсонни “Шерюрак” фильмини кўрмаган кимса бўлмаса керак.

Шу фильмда жангдан кейинУильям Волосга рицарлик унвонини бериш маросими бўлади, дворянлар рицарликни бериб бўлгандан кейин ўз шахсий манфаатлари устида бир-бири билан талашиб кетганини кўрган Волос “шотландлар шулар бўлса, мен шотландлигимдан ор қиламан”дейди, илтимос кун келиб болаларимизни ҳам ўзимизга ўхшаган қўрқоқ қилиб тарбияламайлик, улар Қўқонлик бўлганларидан ор қилишмасин биз сингари.

 

Бўлишинг:

Муҳаррир танлови

Ўзбек сўмига нисбатан ақш доллари курси 13 сўмга қимматлади

Ўзбекистон Республикаси Марказий банки 6 ноябрь кунидан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва ...

Ёш ўқитувчи ҳасрати

Мана Ўзбекистонда 2018 йил 5-сентябрдан бошлаб, бутун Республика бўйича таълим –тарбия соҳасида янги 2018-2019-ўқув йили бошланди. Косон тумани Юқори Оброн қишлоғида яшовчи   ...

Оав: нью-йорк воқеаси ва ўзбеклар

2017 йил 31 октябрда Нью-Йоркда автоулов билан содир этилган ҳужумда 8 киши ҳалок бўлди, ўндан зиёд киши жароҳатланди. Ушбу ҳужум Нью-Йоркда 2001 йил, 11 сентябрда Жаҳон ...