Бошқа мавзулар
Қашқадарё вилояти Миллий хавфсизлик хизмати ходимлари қадимий буюмларни сотишга уринганларни қўлга олди, деб хабар берди Sputnik.
Махсус ишлар давомида, 10 рубль қийматидаги 32 та тангани 12,2 минг долларга сотиш вақтида Қўқон шаҳрида яшовчи 35 ёшли Бобир Норматов ва Қарши шаҳрида истиқомат қилувчи 34 ёшли Фарҳод Маҳмудов қўлга олинди. Тинтув давомида уларнинг ёнидан яна тўртта шундай танга топилди.
“Экспертиза ўтказиш учун тангалар Марказий банк қошидаги қимматбаҳо металлар бўйича Давлат экспертизаси агентлигига топширилди. Экспертиза натижаларига кўра, 40 та танга 900- пробали олтиндан ясалган. Уларнинг соф вазни 343,5 граммни ташкил қилади. Тангалар 1898–1903 йилларга мансублиги аниқланди”, – дейди агентлик экспертлари.
Қашқадарё вилоятининг Солиқ ва валютага оид жиноятларга қарши кураш ва жиноий даромадларни легаллаштириш департаменти ушбу факт бўйича жиноий иш очган.
