Бугун президент Ш. Мирзиёев АҚШга жўнаб кетди, лекин…

Эндироқда “Ўзбекистон 24” каналидан “Ахборот” дастурининг кечки сонини жонли эфирда кўрдим.

Мақола Улуғбек Бакировнинг “Фейсбук”даги саҳифасидан олинди 

Муаллиф: Улуғбек Бакиров

Дастур бошида диктор президентни АҚШга жўнаб кетганлиги ҳақидаги расмий хабарни ўқиб берди. Кадрда Шавкат Мирзиёев аэропорт эшикларидан ташқарига чиққанлигини кўрсатишди, холос. Ёнида фақат бир киши, тан соқчими ёки бошқасими кўришга улгурмадим. Шу даражада жуда қисқа кўрстатишди, сонияларда кадр ўтиб кетди.

Одатда, президент бирор ҳудудга, айниқса, чет элга сафар қилаётган пайтда бу ҳақдаги лавҳа етарли даражада, батафсилроқ кўрсатиларди, қониқарли ахборот бериларди.

Давлат раҳбари қаерга жўнаб кетаётганлиги, уни аэропортда самолёт трапи ёнида қайси расмий шахслар кузатиб қўйганлиги ва ҳатто, самолёт ҳавога кўтарилганлиги тўлиқроқ шаклда кўрсатиларди. Мухбир шу ҳақда кадр ортидан ҳикоя қиларди. Кузатувчи расмийлар қаторида, одатда, Миллий хавфсизлик хизмати раиси ҳамда Ички ишлар вазири бўларди. (Президент сафардан мамлакатга қайтиб келганида ҳам кутиб олиш жараёни ҳақида шундай лавҳа берилади).

Бу сафар ундай бўлмади. Самолёт трапи тугул, президентни кимлар кузатиб қўйганлигини на кўрсатишди, на бу ҳақда бирор сўз айтишди.

Ҳайрон қолганим, президент Мирзиёевнинг АҚШдек қудратли давлатга бу биринчи, илк сафари бўлса-да, боз устига жаҳоннинг энг олий минбаридан нутқ сўзлашга жўнаб кетаёган паллада бу ҳақда республиканинг марказий ТВси нўноқ ҳолда, жуда қисқача ахборот берди.

Ахир президентнинг АҚШга ташрифи тўғрисида деярли ярим йилдан бери дунё ОАВда хабарлар берилмоқда-ку!

Авваллари, масалан, И.Каримов даврида бундай кузатиб қўйишлар ва кутиб олишлар ҳақида “Ахборот” тинмай бонг урарди…

“Ахборот”нинг бу ажабтовур хабаридан қониқмасдан, ЎзА сайтига кирдим. У ерда ҳам диктор ўқиб берган ўша расмий хабар ёзилган, лекин, президентнинг АҚШга жўнаб кетганлиги ҳақида аэропортда тасвирга туширилган бирор бир фотосурат берилмаган. Сурат ўрнида Ўзбекистон ва АҚШ байроқлари расми турибди, холос.

Кейин президентнинг расмий веб-сайтига кирдим. У жойда ҳам шу аҳвол. Фарқи шундаки, хабарга доир бирорта ҳам сурат йўқ.

Эътибор беринг, бу икки сайт давлатнинг биринчи рақамли ахборот воситаларидан ҳисобланади.

Ўзбекистон сиёсий ҳаётига оид бугун тарқалган бу муҳим расмий хабарни қандай изоҳлаш мумкин?

Бу саволга Президент Матбуот хизмати қандай қарайди?

Бўлишинг:

Муҳаррир танлови

Юрт ўғлонига хайрихоҳлик кўрсатилиши керак!

Таниқли мухолифат вакили, "Бирдамлик" Халқ Демократик ҳаракатининг етакчиси Баҳодир Хон Туркистоннинг "Ислоҳотларимизнинг ўзбек халқи учун кераклигини Ўзбекистондаги бир ...

Робинзон крузо янгимозорда бўлганми?

...Мўмина Ҳайдарова беш яшар боласини уйда ёлғиз қолдириб ишга чиққанди. Мана энди хавотир олиб турибди. Ободончилик ишлари билан машғул аёл ора-сира ортига — бир чеккаси қум ...

Kun.uz: аҳмаджон одиловнинг ўлимидан бир оз аввал олинган тасвир

KUN.UZ сайти 16 йил мобайнида қомоқда ўтириб, 83 ёшида 2008 йили озодликка чиққан таниқли жамоат арбоби Аҳмаджон Одиловнинг ўлимидан бироз аввал Ўзбекистон президенти Шавкат ...