Бағдод Ироқ Курдистони раҳбарларига аэропортларни топширишга уч кун муҳлат берди

Ироқ бош вазири Хайдар ал-Абадий 26 сентябрь куни Ироқ Курдистони раҳбариятига барча чегара пунктлари ва аэропортларни Бағдод бошқарувига топшириш учун уч кун муҳлат берди.

«Франс-пресс»нинг хабар қилишича, бош вазир матбуот анжуманида Бағдод, агар аэропортлар федерал ҳукумат бошқарувига ўтказилмайдиган бўлса, уч кундан сўнг Ироқ Курдистонидан халқаро парвозларни тақиқлаш борасида қарор қабул қилганини айтди. «Рейтерс» хабарига кўра, агар-да мазкур ультиматум бажарилмайдиган бўлса, Бағдод қўшни мамлакатлардан курд мухторияти билан бўлган чегараларни беркитишни сўрайди.

Айни дамда Ироқ Курдистони (Эрбил ва Сулаймониядаги аэропортлар)дан халқаро парвозларни Германия, Иордания ва Туркия авиакомпаниялари амалга оширади. Ўтган якшанба куни Эрон Ироқ Курдистони билан ҳаво алоқаларини тўxтатди.

Ироқ бош вазири мустақиллик масаласида Ироқ Курдистонида ўтказилган референдум натижаларидан сўнг мустақиллик масаласидаги музокоралар ғоясини инкор қилди ва хавфсизлик чоралари кучайтирилганини эълон қилди. Унинг айтишича, Боғдод Конституция асосида ҳаракат қилади ва референдум натижаларини тан олмайди.

Ироқ Курдистони Президенти Масуд Барзани плебисцитни «янги босқич»дея атади ва сешанба куни Ироқ ҳукуматига мурожаат қилиб мулоқотга чақирди. У жаҳон ҳамжамиятига қилган мурожаатида, Ироқ Курдистони мустақиллиги учун овоз берган миллионлаб фуқароларнинг ҳиссиётини хурмат қилишга даъват қилди.

Бўлишинг:

Муҳаррир танлови

Челябинскда ўзбекистон фуқаросини юк автомашинаси уриб кетди

Ўзбекистоннинг Екатеринбург шаҳридаги Бош консулхонаси берган маълумотга кўра, 2019 йилнинг 26 июль куни Челябинск шаҳрида Ўзбекистон фуқароси Б.Р.ни йўлни кесиб ўтаётганида ...

Тошкентда ўз машинасида «шумахер»лик қилган ҳайдовчи жаримага тортилди

Ижтимоий тармоқларда Тошкентда катта тезликда кетаётган машина рулини бошқарувсиз қолдириб, машина томига ўтириб олган «эпчил» ҳайдовчи тасвирланган видео кенг тарқалганлиги ...

“далага югур, пул йиғ, картошка эк”. ўқитув-чи?!

Яқинда бир таниш ўқитувчи ҳикоя қилиб қолди: 9 синф битирувчилари ўртасида улар келажакда қайси касбни эгалламоқчилиги тўғрисида сўровнома ўтказибди. Сўровнома натижаси ...