“Озодлик”: Журналист Солижон Абдураҳмонов озод этилди

Ўзбекистонлик журналист Солижон Абдураҳмонов 9 йилу 4 ойлик қамоқ ортидан 4 октябр куни Қарши шаҳридаги Шайхали қамоқхонасидан озод этилди. Бу ҳақда Эзгулик инсон ҳуқуқлари ташкилоти Озодликка маълум қилди. 67 ёшли журналист 2008 йилда гиёҳванд моддалари истеъмол қилиш айби билан 10 йилга қамалган эди.

Мақола “Озодлик” радиоси сайтидан олинди

Солижон Абдураҳмонов Қорақалпоғистонда фаолият юритиб келган саноқли мустақил журналистлардан бири бўлган.

У дастлаб Озодлик радиосида, сўнгра Uznews.net мустақил интернет нашри мухбири бўлиб ишлаган.

Солижон Абдураҳмонов Қорақалпоғистондаги оддий инсонлар ҳаёти ҳамда Орол денгизи қуришининг инсоний таъсири ҳақидаги мақолалари билан танилган.

Журналист 4 октябр куни Қаршидаги Шайхали қамоғидан озод бўлгач Озодлик билан суҳбатда қамоқдан чиқиши учун курашган барча фаолларга миннатдорчилик билдиришини айтди.

Солижон Абдураҳмонов ишлаган Uznews.net мустақил нашри бош муҳаррири бўлган, ҳозирда Centre1 нашри бош муҳаррири Галима Бухорбоева журналистнинг озод этилишини олқишлади.

– Солижон Каримовнинг қаттол режими қурбони бўлди. Унинг озод бўлиши Ўзбекистонда Каримов ўлими ортидан рўй берган ҳокимият алмашинуви сабаб рўй берди, бунга мен тўлиқ аминман, – деди Бухорбоева.

Солижон Абдураҳмонов қамоқда 9 йилу 4 ой ўтирди.

У 2008 йил 7 июнида машинасидан гиёҳванд моддалари топилган дея, наркотик моддалар истеъмол қилиш айби билан ҳибсга олинган эди.

Солижон Абдураҳмонов шу кунгача айбловларни рад қилиб келди ва милициянинг ўзи гиёҳванд моддаларни машинасига ташлаганига ишонишини билдирган.

Тиббий анализлар Абдураҳмонов ҳеч қандай наркотик истеъмол қилмаганини исботлагач, айблов “наркотик моддалар савдоси”га ўзгартирилган ва у 10 йилга қамалган эди.

Солижон Абдураҳмонов озод этилишидан бир кун аввал жиззахлик ҳуқуқ фаоли Аъзам Фармонов “Жаслиқ” қамоғидан озод бўлган эди.

Америка Қўшма Штатларининг Ўзбекистондаги элчихонаси инсон ҳуқуқлари фаоли Фармонов ва бошқа маҳбусларнинг озод этилишини олқишлади.

“Бу янгилик Муҳаммад Бекжонов, Мурод Жўраев, Эркин Мусаев, Жамшид Каримов ва бошқа узоқ муддат қамоқда ушланган виждон тутқунлари озодликка чиқарилгани ортидан маълум бўлди. Биз бундай ижобий қадамларни маъқуллаймиз, улар келгусида бошқа маҳбусларнинг озод этилиши ва фуқаролик жамиятига очиқроқ ёндашув учун ишора эканига умид билдирамиз. Кўплаб халқаро инсон ҳуқуқлари гуруҳлари Аъзам Фармоновнинг 2006 йили шубҳали айбловлар билан узоқ муддат озодликдан маҳрум этилганига алоҳида аҳамият бериб келди. 2013 йили БМТ Қийноқларга қарши комиссияси ҳам Фармоновни озод этишга чақирган эди. Қўшма Штатлар Президент Мирзиёевнинг, Бирлашган Миллатлар Ташкилотида таъкидлагани каби, Ўзбекистонда инсон ҳуқуқларини ҳимоя қилишни мустаҳкамлашга содиқ эканини эътироф этади. Биз бундан кейин ҳам кенг кўламли сиёсий, ижтимоий ва инсон ҳуқуқлари борасидаги ислоҳотларда изчил барқарорлик ва тараққиёт бўлишига умид қиламиз”, – дейилади АҚШ элчихонаси баёнотида.

Бўлишинг:

Муҳаррир танлови

Мени тожик халқини, миллатини ёмон кӯрадиган, уларнинг ривожланишини кӯролмайдиганлар тоифасига киритиб, миллатчиликда айблаётган қадрли дӯстларим, ассалому алейкум!

Мен миллатчи эмасман, аксинча қадимий ва кӯҳна тамаддун маскани бўлмиш Туронзаминда азалдан бир дарёдан сув ичиб, қӯни-қӯшни, қуда-анда бӯлиб яшаб келаётган, илдизи бақувват, ...

Путин 134 500 нафар ёшларни ҳарбий хизматга чақирмоқда

Россияда 1-апрелдан баҳорги муддатли ҳарбий хизматга чақириш бошланади. Ҳарбий хизматга 18 ёшдан 27 ёшгача бўлган эркаклар чақирилади. Чақирув 15-июлга қадар давом этади. Шу ...

Кундош билан яшаш –азоб

Косон тумани Арабхона қишлоғида яшовчи Аслонова Сарвиноз Исроил қизи қишлоқдоши Жуматоев Собиржон Саидмуродович билан 2010 йил октябрда ойида шаръий никохдан ўтиб, эр-хотин ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400