Қозоғистон бош вазири Атамбоевнинг сўзларини “маъсулиятсизлик” деб атади

Қозоғистон бош вазири Бақитжан Сагинтаев Қирғизистон президенти Алмазбек Атамбоевнинг Қозоғистон иқтисодий тараққиётига оид сўзларини “моҳияти жиҳатидан маъсулиятсиз, иғвогорона ва “ёлғон” дея атади. Сагинтаевнинг расмий изоҳи ҚР ҳукумати раҳбарининг сайтида эълон қилинди.

Қозоғистон бош вазирининг сўзларига қараганда, Қирғизистон президентининг “сайловолди мақсадлари йўлида” айтган фикрлари мамлакатлар ўртасида қарор топган кўп асрлик дўстлик ва ўзаро ҳамкорликка зиён етказиши керак эмас.

Бақитжан Сагинтаевнинг таъкидлашича, шу йиллар давомида “Қозоғистон ҳамиша, айниқса оғир дамларда қирғиз халқининг ёнида турди, Қирғизистон раҳбариятининг илтимосларига ҳурмат билан муносабатда бўлди». Унинг маълумотларига кўра, Қозоғистоннинг Қирғизистон иқтисодиётига киритган инвестиция ҳажми 820 млн АҚШ долларини ташкил қилади.

“Қирғизистон президенти Атамбоевнинг бундай иғвогорона баёнотларига қарамай, Қозоғистон ҳукумати қозоқ-қирғиз ўзаро стратегик шериклик ва ҳамкорлигини бундан кейин ҳам чуқурлаштириш ва кенгайтириш ниятида», – дея баёнот берди Сагинтаев.

7 октябрь куни Алмазбек Атамбоев давлат мукофотларини топшириш маросимида айрим номзодлар ва Қозоғистон ҳукуматини танқид қилган эди. Президент баёнот бериб, қўшни давлат раҳбарияти ва олигархлари президентлик сайловларига аралашаётганини айтган ва ҚРнинг айрим “расмий вакиллари” Бакиевларни – Қирғизистон собиқ президентининг оиласини қўллаб-қувватлаётганликда айблаб чиққан эди.

Бўлишинг:

Муҳаррир танлови

Тошкентда ветеринария медицинаси институти филиали иш бошлайди

Самарқанд ветеринария медицинаси институтининг Тошкент филиалини ташкил этиш тўғрисида Ҳукумат қарори қабул қилинди, деб хабар берди “Ҳуқуқий ахборот” канали. Қарорга ...

Ялпи ўзгаришнинг имкони бўлмаса, ҳар ким ўзини ислоҳ қилиш керак

“Kun.uz”нинг бу видеоси кеча кўтарган мавзуимизнинг давомини юзага келтирди. Мажбурий меҳнатга жалб қилинган ўқитувчилар ёрдам келганда “ўз ихтиёрим билан чиққанман” деб ...

Тошкентда бекатда ухлаган аёл ўз оиласи бағрига қайтарилди

Зухра Маткулова аниқ яшаш ва машғулот турига эга бўлмаган шахслар учун ташкил этилган реабилитация марказида 3 маротаба бўлганлиги айтилмоқда Ўзбекистон Хотин-қизлар қўмитаси ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400